Вежбите за раце и стомак кои ги практикува Анистон се дел од програмата „Pvolve“ функционален тренинг до кој омилената актерка се придржува веќе со години. Овој пристап се заснова на контролиран отпор, свесно движење и градење сила на начин кој го поддржува секојдневното функционирање на телото.
Наместо брзо изведување на повторувањата, целта е целосна контрола на движењето. Со фокусирање на мускулите кои активно работат, се развива намерна, свесна сила која ги подобрува перформансите, но и помага да изгледате подобро во секојдневниот живот.
Искуствата и препораките на Џенифер Анистон
За Анистон, ваквиот пристап претставуваше важна ментална промена во однос на претходниот начин на тренирање.
„Порано гледав на тренингот како на нешто што мора да биде интензивно, во стилот без болка нема резултати. Но, она што го научив низ годините е дека доследноста е најважна. Немојте да се форсирате и слушајте го своето тело“, порачува славната актерка.
Денес вели дека нејзиниот најголем мотив за редовно вежбање е токму начинот на кој движењето влијае на расположението и енергијата. Таа советува: станете 15 минути порано и одработете го тренингот. Кога ќе го поедноставите, станува многу полесно да го вклопите во денот. Сè што ви е потребно е јога подлога, пилатес топка и еластична лента.
Омилените вежби за раце и стомак на Џенифер Анистон
1. Подигнување на трупот преку топка (Curl Over Ball)
Оваа вежба ги зајакнува стомачните мускули преку поголем опсег на движење, додека топката дава поддршка на долниот дел од грбот.
- Легнете на подлогата и поставете ја пилатес топката под долниот дел на грбот.
- Испуштете ги двете нозе пред себе.
- Рацете ставете ги зад главата и активирајте го стомакот.
- Пополека подигнувајте ги и спуштајте ги лопатките.
2. Подигнат „мртов инсект“ (Elevated Deadbug)
Вежба која ја зајакнува стабилноста на јадрото (core) и ја подобрува координацијата.
- Легнете на подлогата држејќи ги рацете покрај телото.
- Поставете ја топката под колковите за да го подигнете телото.
- Подигнете ги нозете во позиција на „масичка“ (свиткани во колената под агол од 90 степени).
- Пополека спуштајте ја едната нога додека не биде веднаш над подот.
- Вратете се во почетна позиција и заменете ја ногата.
3. „Голф“ ротација (Golf Swing)
Динамична вежба за стомак која ги зајакнува страничните стомачни мускули и ги активира колковите.
- Застанете во исчекор (едната нога напред, другата назад со подигната петица).
- Спојте ги дланките и испружете ги рацете пред себе.
- Зачекорете со задната нога во чучнување, па вратете ја назад.
- Рацете остануваат испружени во текот на целото движење.
- Променете ја страната.
4. Планк на топка (Stability Ball Plank)
Оваа вежба го подигнува класичниот планк на повисоко ниво, барајќи од вас рамнотежа, што дополнително го активира јадрото.
- Заземете планк позиција и поставете ја топката под дланките.
- Кога ќе најдете рамнотежа, привлечете го десното колено кон десниот лакт.
- Наизменично менувајте ги страните.
5. Екстензија на грбот со влечење лента (Prone Back Extension With Lat Pull)
Ги зајакнува мускулите долж ‘рбетот, го подобрува држењето и ги ублажува последиците од долгото седење.
- Легнете на стомак на подлогата.
- Држете ја еластичната лента и испружете ги рацете над главата.
- Подигнете ги рацете и нозете од подот.
- Во таа позиција повлечете ги лактовите кон ребрата, спојувајќи ги лопатките.
- Испуштете ги рацете назад над главата, па спуштете се во почетна позиција.
Извор: easylife.rs
