Западната Јапонска Железничка Компанија (JR-West) официјално вработи хуманоидни роботи за извршување на одржувачки задачи, што претставува значителна промена во начинот на кој се спроведуваат железничките операции. Овие роботи, развиени во соработка со Nippon Signal и Human Machinery, се дизајнирани да се справуваат со опасни задачи што традиционално ги извршуваа човечки работници. Ова е вистински револуционерен потег и од аспект на промена на состојбата на пазарот на труд и од аспект на зголемување на безбедноста на вработените во компанијата и секако од аспект на имплементација на роботиката во секојдневни активности.
Монтирани на хидрауличен кран, овие роботи можат да подигнат до 40 кг и да достигнат висина од скоро 10 метри. Тие се контролирани од човечки оператори користејќи VR очила и контролни рачки, што овозможува прецизна манипулација на рацете и главата на роботот. На овој начин операторите се безбедни, подалеку од опасни задачи, а сепак се искористува нивната експертиза за сложени одржувачки работи.
Роботите се задолжени за различни активности во одржување, вклучувајќи инспекција и поправка на високо напонски железнички линии и чистење на надземни железнички структури. Овие задачи не само што се физички напорни, туку и претставуваат значителен ризик за човечките работници, како електрични удари и паѓање од висина. Со користење на роботи за овие работи, JR-West има за цел да го намали бројот на човечки работници во опасни средини за 30%, со што значително ќе ја подобри безбедноста и оперативната ефикасност.
Овој иновативен пристап е дел од пошироката стратегија на JR-West за интеграција на напредна технологија во своите операции, поставувајќи нов стандард за железничко одржување и потенцијално влијаејќи на други индустрии да усвојат слични роботски решенија. Успехот на овие роботи во пилот тестовите го истакнува нивниот потенцијал да ја револуционизираат индустриjaта за одржување и да обезбедат побезбедна работна средина за човечките вработени.
