Технолошкиот гигант на Безос, чија вредност достигнува два билиони долари, гради специјализиран тест-центар во САД, објави технолошкиот портал The Information, повикувајќи се на лице вклучено во проектот.
Според The Information, роботите на подолг рок би можеле да ги преземат задачите на доставувачите. Софтверот заснован на вештачка интелигенција кој ќе ги управува овие роботи ќе биде развиен од страна на Amazon, но хардверот ќе биде обезбеден од надворешни компании.
Amazon се надева дека хуманоидните роботи ќе можат да патуваат во електричните комбиња на Rivian и од нив директно да ги извршуваат доставите.
Дури и со човечки возач, теоретски е можно роботот да ја скрати времето на достава со тоа што ќе оди на една адреса, додека возачот доставува на друга. Компанијата веќе има интерес за автономни возила преку својата ќерка-фирма Zoox.
По завршувањето на тестирањата во „хуманоидниот парк“, планот е роботите да одат на „излети“ – реални тестови во секојдневни услови, доставувајќи пакети до домашни адреси.
Професорот Субраманијан Рамамурти, раководител на одделот за роботи и автономни уреди на Универзитетот во Единбург, изјави дека Amazon има реномиран тим за роботика и дека нивниот фокус на „последната милја“ од доставата не е изненадување.
„Ако Amazon се ограничи на релативно чисти приоди и стандардни поставки на влезови и околина, задачата за роботите ќе биде значително полесна“, вели професорот. „Но, како што околината станува покомплексна – со домашни миленичиња, мали деца и непредвидливи фактори – проблемите ќе станат значително поголеми.“
Извор: bizlife.rs
