Во ерата на брз технолошки развој, класичната автоматизација на процесите повеќе не е доволна. Со сè побрзите промени на пазарот и сè посилната конкуренција, компаниите бараат напредни решенија. Тука настапува хиперавтоматизацијата – вистинска револуција во начинот на кој организациите функционираат, овозможувајќи побрзи, попаметни и далеку поефикасни бизнис процеси.
Според проценките, до 2028 година пазарот на оваа технологија ќе надмине вредност од трилион долари. Причините се бројни: регулаторни промени, потреба од анализа на неструктурирани податоци и постојана дигитализација, особено во сектори како финансискиот.
Иако термините како роботска автоматизација на процеси (RPA), интелигентна автоматизација (IA) и хиперавтоматизација често се користат како синоними, тие всушност означуваат различни нивоа на зрелост и комплексност. За да разбереме зошто хиперавтоматизацијата денес е толку важна, потребно е да се вратиме еден чекор наназад – кон развојот на автоматизацијата.
Краток осврт кон автоматизацијата
Основната идеја на автоматизацијата е технологијата да преземе рутински задачи, намалувајќи ја потребата од човечка интервенција. Таа ја трансформираше индустријата преку зголемена ефикасност, намалени трошоци и забрзани процеси. Но, традиционалните системи беа ограничени – решаваа едноставни и предвидливи задачи, често изолирано и без можност да одговорат на комплексните предизвици на модерното работење.
Замислете „ботови“ кои копираат податоци од еден систем во друг, генерираат извештаи или испраќаат автоматски е-пораки. Брзо и точно – но само во однапред дефинирани рамки. Проблемот се јавува кога е потребно интегрирање повеќе процеси, извори на податоци и сектори – токму тука започнува – хиперавтоматизацијата.
Добредојдовте во ерата на хиперавтоматизацијата
Хиперавтоматизацијата претставува значајно надградување на класичната автоматизација. Наместо само извршување задачи, таа автоматизира цели процеси низ повеќе системи и оддели во организацијата. Освен тоа, препознава неефикасности, идентификува слабости во работните текови и самостојно предлага или спроведува подобрувања. Суштината е во поврзување на различни технологии во еден паметен и координиран систем.
На кои технологии се базира хиперавтоматизацијата?
Хиперавтоматизацијата комбинира:
- Роботска автоматизација на процеси (RPA)
- Вештачка интелигенција (AI)
- Машинско учење (ML)
- Паметна оркестрација на процеси
Клучен двигател е cloud computing. Благодарение на облачните технологии, организациите можат да применат автоматизација во големи и комплексни средини, со беспрекорна интеграција на податоци и апликации во реално време. Тоа овозможува брза имплементација на нови решенија и нивно скалирање според потребите.
Покрај тоа, cloud технологијата го олеснува користењето на low-code и no-code алатки, овозможувајќи брза и лесна адаптација без ангажирање скапи ИТ ресурси.
Хиперавтоматизацијата во пракса
Хиперавтоматизацијата веќе има реална примена во различни индустрии:
- Во финансискиот сектор: побрза обработка на трансакции, подобра усогласеност со регулативите и откривање измами во реално време.
- Во здравството: олеснување на административните процеси, подобрување на грижата за пациентите преку анализа на податоци и зголемување на оперативната ефикасност.
Како компаниите да го направат првиот чекор?
Воведувањето хиперавтоматизација бара изградба на поврзани и „паметни“ системи каде податоците, процесите и луѓето функционираат синхронизирано.
Тука настапуваат платформи како Beyond 360 ERP, развиена од M&I Systems Co, членка на Seyfor Group. Ова решение ги обединува бизнис операциите, овозможува донесување одлуки базирани на податоци и континуирана оптимизација. Прилагодливо е на различни индустрии, без потреба од дополнителни алатки – и расте заедно со вашето бизнис.
Без разлика дали работите во производство, трговија или услуги, Beyond 360 ERP нуди локално усогласено, лесно скалабилно решение подготвено за иднината.
Хиперавтоматизацијата не е тренд – таа е неопходност
Хиперавтоматизацијата не е далечна иднина. Таа е клуч за компаниите кои сакаат да останат релевантни, отпорни и подготвени за предизвиците што доаѓаат. Не се работи за парцијални подобрувања – туку за изградба на организации кои учат, се адаптираат и постојано напредуваат – без застој.
Извор: web-mind.rs
