1. Паста со хариса и лут мед
Спојот на сладок мед, солен халуми и лута хариса паста дава неочекувано богат вкус. Подготовката трае околу половина час.
- Состојки (2 порции): 200–250 г халуми, 160 г фусили, 1 лажица путер, 1 шалот (лукац), 1 чешне лук, 1 лажица хариса, 1 лажица мед, 50 мл павлака за готвење, маслиново масло, лимонов сок, магдонос, сол и бибер.
- Подготовка: Потопете го халумито во зовриена вода 20 мин, исушете го, исечете го на коцки и запржете го до златна боја. Сварете ја пастата. Во истата тава растопете путер, пропржете ги шалотот и лукот, па вмешајте ги харисата, медот и павлаката. Вратете го халумито, додадете ја пастата со малку вода од готвењето, па завршете со лимон и магдонос.
2. Летна паста-салата со цитруси
Извор: Norther pasta
Освежителна и брза салата, совршена за топлите денови. Се подготвува за само 15 минути.
- Состојки (2 порции): 250 г тестенини, 120 г замрзнат грашок, 1 лажица маслиново масло, кора и сок од 1 лимон, 2 мини краставици, по 3 лажици нане, копар и магдонос, 50 г фета, сол и бибер.
- Подготовка: Сварете ги тестенините, исплакнете ги со ладна вода и ставете ги во сад. Грашокот прелијте го со зовриена вода да позелени, па исцедете го. Во пастата додадете ги маслото, лимонот, грашокот, сечканите краставици, билките и фетата. Измешајте и добро оладете пред сервис.
3. Радијатори тестенини со матена фета и печен морков
Извор: Norther pasta
Скромниот морков овде е карамелизиран со егзотични зачини и споен со кремаст прелив. Подготовка: 40 минути.
- Состојки (4 порции): 500 г моркови, 2 црвени кромидa, 4 лажици маслиново масло, по 1 лажица сумак и заатар, 1 лажичка коријандер, ½ лажичка цимет, 400 г наут (конзерва). За прелив: 350 г паста, 200 г грчки јогурт, 100 г фета, 1 лимон (кора и сок), свеж коријандер.
- Подготовка: Исечените моркови и кромид зачинете ги со 3 лажици масло и зачините. Наутот измешајте го со малку масло во друга тава. Печете сè на 180°C околу 30 минути. Сварете ја пастата. Блендирајте ги јогуртот, фетата и лимонот, па измешајте ги со тестенините. Одозгора ставете го печениот зеленчук, наутот и свежиот коријандер.
На здравје!
Извор: wannabemagazine.com
