Извештајот на Германскиот економски институт (IW), до кој дојде неделниот весник Die Welt, покажува дека има поголема шанса вработените постари од 55 години да останат на работа по добивањето право на пензија во споредба со оние под 30 години.
Исто така, експертите на раководни позиции или со повисоки професионални квалификации се поотворени за продолжување на работниот век во споредба со нискообразованите работници без раководни одговорности.
Истражувањето на IW сугерира дека вработените кои се задоволни и ангажирани на своите работни места најверојатно ќе размислат за одложување на пензионирањето. Меѓутоа, финансиските причини не играа значајна улога во наодите на студијата.
Ослабената германска економија е изложена на ризик од загуба на квалификувани работници кои одат во пензија, без доволно работна сила која би можела да ги замени.
Коалициската влада на канцеларот Олаф Шолц предложи да се понудат бонуси за работниците кои ќе го одложат своето пензионирање, како дел од стимулативниот пакет за кој е потребно одобрување од германскиот парламент.
Извор: Bizlife.rs
