Ментално силен лидер е оној кој има способност да управува со своите емоции, мисли и однесување со цел да постигне извонредни резултати. Правилото е следно: Оној кој успешно управува со себе, може да управува и со останатите.
Денес, работниот свет е исцрпувачки и хаотичен. Ништо не е сигурно, па токму таа нестабилност неретко влева страв и расеаност. Во вакви услови, каде инспирацијата може да исчезне, она што е вистинска супер моќ и која ги одвојува лидерите од останатите е токму менталната сила.
„Поминав 30 години проучувајќи што лидерите – и луѓето воопшто – ги прави ментално силни. Во моето истражување открив дека својата ментална сила ја покажуваат преку шест основни ‘тестови на лидерство’ кои најдиректно се поврзани со извонредни достигнувања, вели Linkedin експертот и говорник Скот Мауц за CNBC Make It.
Ментално силните лидери се истакнуваат кога станува збор за:
Извор: Freepik / tridsanu1984
Цврстина
Поседување одлучност и самоопределување – управување со своите емоции, мисли и однесувања за да истраете.
Вреди трудот, бидејќи стекнувањето цврстина ви дава храброст да ги надминете препреките, а да не „потонете“.
- Ви помага да ги преобликувате неуспесите
- Ви помага да се носите со „секојдневните проблеми“
- Поттикнува начин на размислување насочен кон решавање проблеми
- Ви помага да напредувате под притисок и да дејствувате во криза
- Ви помага ефикасно да планирате и да се носите со неприлики
- Ве одбива од менталитетот на жртва
- Поттикнува здрава дебата
- Ви дава храброст и средства за тешки разговори
Самодоверба
Врската помеѓу самодовербата и достигнувањата е неспорна. Самокритичните емоции, мисли и однесувања за миг можат да ја уништат вашата самодоверба и предноста што таа ви ја дава.
- Изградбата и одржувањето на вашата самодоверба ве насочува вас и другите, низ несигурностите, кон најспособното „јас“.
Извор: Freepik / EyeEm
Храброст
Храброста бара ум насочен кон оспособување наспроти ограничување на мислите и верувањата. Развивањето на смелоста исплаќа огромни дивиденди бидејќи ја поттикнува вашата бестрашност да се туркате себеси и вашиот тим повисоко, подалеку и побрзо.
- Поттикнува размислување ‘на големо’
- Ве поттикнува да преземете паметен ризик
- Ве турка во несигурност за да прифатите промени
- Ви дава сигурност дека можете да бидете предводник на помените
Размена на пораки
Вработените постојано ги следат лидерите. Она што го кажувате, како се однесувате и што чувствувате директно влијае на тоа како тие се гледаат себеси и својата работа. Од лидерска позиција можете да испраќате корисни или некорисни пораки на начини кои се трансформативни за вас и за сите околу вас.
- Растот во оваа област ви помага да поттикнете мотивација, енергија и доверба.
- Ви помага да управувате со негативните емоции.
- Ве спречува да ги изгубите нервите и ви помага внимателно да ги избирате зборовите
- Ви помага да ги избегнете стапиците на негативност
- Ве поттикнува проактивно да поттикнувате позитивност
- Ви помага да бидете активен слушател
- Ве поттикнува да зрачите со транспарентност и интегритет
- Ви помага да имате избалансиран тон, да поставувате барања и очекувања, но со емпатија
- Ви дава дисциплина да дејствувате согласно со вашите вредности, зајакнувајќи го вашиот карактер
Донесување одлуки
Емоциите, пристрасностите и недисциплината се непријатели на доброто донесување одлуки. Вештините за самоконтрола играат огромна улога во давањето храброст и уверување да бидете одлучни и во подобрувањето на вашата способност да донесувате добри одлуки кои ве водат кон вашите цели.
Самоконтролата и менталната сила поттикнуваат:
- Подигнување на свеста за вашите предрасуди и лоши навики, спречувајќи негативно да влијаат на одлуките
- Развивање на аналитички пристап кон донесувањето одлуки базирани на податоци
- Поставување јасен процес или структура за донесување одлуки
- Истражување на подобра трета опција
- Развивање на подобра способност за предвидување и поголема самодоверба во одлучувањето
- Хранење на вашата подготвеност да донесувате тешки, непопуларни одлуки
Извор: Freepik
Фокус на целта
Самоволието, мислите и емоциите ве одвлекуваат од целта која ви е на дофат. Намерното регулирање ви помага да се дисциплинирате и да се фокусирате на најважните работи.
Саморегулацијата и менталната сила:
- Ви помагаат да поставите силни цели и да замислите што е потребно за да ги постигнете
- Ве инспирираат да поставите подетален сет на очекувања
- Ви помагаат да се фокусирате на она што можете да го контролирате
- Ве помагаат да бидете одговорни и за себе и за другите
- Ве тераат да направите чекор кон малите победи
- Ви помагаат да го спречите одлагањето и перфекционизмот
- Ви помагаат да ги прилагодите целите согласно потребите на патот
Сега, замислете дека сте биле одлични во сите шест од овие тестови на лидерство, поттикнати од вашите вештини за самоконтрола и ментална сила. Размислете за влијанието кое би го имале, за разликата која би ја направиле и за трагот кој би го оставиле зад себе.
