За многу припадници на GenZ, генерацијата на возраст од 12 до 27 години, TikTok е примарна платформа на социјалните медиуми каде што наоѓаат производи за купување. Но, додека индустријата за инфлуенсерски маркетинг е во екот на својот цут, помладите корисници почнуваат да се чуваствуваат презаситено од постојаното промовирање на производи.
И тука стапува на сцена трендот „underconsumption core“
Што означува овој тренд?
„Underconsumption core“ е сличен на трендот „deinfluencing“ — уште еден популарен одговор на културата на онлајн купување. „Deinfluencing“ вклучува разоткривање или доведување во прашање на популарните производи кои често ги промовираат креаторите на интернет.
Според креаторите на „underconsumption core“, идејата зад најновиот тренд е да се промовира купување само на она што ви треба. Или едноставно кажано, тоа е обично купување или тоа што барем пред неколку години се сметаше за такво, со повеќе пријателски наслов за GenZ
Креаторите кои го прифаќаат трендот често споделуваат видеа од минимална или„second hand“облека во нивнитете гардероби, основни козметички производи на нивните полици и ниту еден популарен прозивод кој што го промовира конзумеризмот.
GenZ веќе не им верува слепо на инфлуенсерите
Истражувањата сугерираат дека инфлуенсерите немаат иста моќ како порано меѓу помладата публика. Истражувањето на Y-Pulse, маркетинг фирма за GenZ и Millennials, објавенo на Yahoo News, покажа дека 45% од луѓето на возраст од 13 до 22 години не веруваат дека креаторите на содржина имаат ист авторитет како порано, а 53% велат дека би претпочитале да купат нешто што го препорачал обичен човек.
Eксперти за инфлуенсерски маркетинг за Business Insider велат дека потрошувачите се чувствуваат изманипулирано од креаторите, сé со цел да заработат пари.
Инфлуенсерите не се секогаш доверливи. Поради ограничената регулација на просторот за рекламирање на социјалните медиуми, измамите се многу присутни на социјалните мрежи.
На пример, инфлуенсерите може да купат следбеници за да изгледаат подоверливо или да не откријат кога се платени за да промовираат производ.
Ограничените буџети кај GenZ исто така ги наведуваат да ги преиспитаат своите непотребни купувања — и понекогаш да се лутат на богатите инфлуенсери, кои се обидуваат да ги натераат да купат непотребен и при тоа скап производ.
GenZ се соочува со инфлација
GenZ се соочува со инфлација, постојано зголемување на цените на домовите, автомобилите и пехрамбените производи, додека истовремено се соочуваат со конкурентен пазар на труд и заработуваат помалку отколку што заработуваа милениумците пред 10 години.
Кога станува збор за големи купувања како купување дом, самодовербата меѓу младите генерации е ниска. Некои докази сугерираат дека GenZ има финансиска корист од живеењето дома, но можеби не ги чувствува тие придобивки поради финансиската дисморфија. Оваа дисморфија понекогаш може да биде поттикната од социјалните медиуми, каде што се прикажува богат начин на живот.
Брет Хаус, професор по економија на бизнис школата при Универзитетот Колумбија, за The Times изјави дека економската анксиозност игра улога во преминот кон едноставност и дека сличен премин беше направен по рецесијата во 2008 година.
