Мек, воздушест и богат со ароми на цитрус и путер, панетоне со генерации се подготвува според внимателно чувани рецепти. Ние пронајдовме еден оригинален рецепт што лесно можете да го испробате дома и да внесете малку италијански Божиќ во вашата кујна.
Состојки:
- 500 г мазно брашно
- 150 г шеќер
- 200 мл топло млеко
- 100 г путер (омекнат)
- 4 жолчки + 1 цело јајце
- 20 г свеж квасец (или 7 г сув)
- 150 г суво грозје
- 100 г кандирана портокалова кора или лимон
- Рендана кора од 1 лимон
- Рендана кора од 1 портокал
- 1 лажичка ванила
- Прстофат сол
Подготовка:
Активирајте го квасецот во топлото млеко со една лажичка шеќер и малку брашно, па оставете го 10–15 минути да запени.
Во поголем сад измешајте ги брашното, шеќерот и солта, додадете ги јајцето, жолчките, ванилата, корите од цитрус и активираниот квасец.
Мешајте и постепено додавајте го омекнатиот путер, месeјќи додека не добиете мазно и еластично тесто.
Додадете го сувото грозје и кандираното овошје, покријте и оставете да нарасне 2–3 часа (додека не се удвои).
Премесете го тестото, префрлете го во калап за панетоне (или висок кружен калап) и оставете да нарасне уште 1 час.
Печете на 170°C околу 45–50 минути, додека не добие убава златна боја.
Оставете да се излади пред сечење, панетоне е највкусен следниот ден.
Совет:
Традиционално се служи со еспресо, капучино или слатко десертно вино, а често дополнително се полни со крем од ванила или чоколадо.
Извор: odrzime.rs
