Вештачката интелигенција исто така го олеснува таргетирањето на потрошувачите со соодветни реклами. Според истражувачката компанија Forrester, ВИ технологијата може да доведе до намалување на работните места за 7,5% во маркетинг индустријата во Америка до 2030 година. Дополнително, ВИ алатките им овозможуваат на клиентите полесно да ги префрлат рекламните активности во рамките на своите компании или да ги доверат на помали агенции. Петте најголеми марекетинг компании имале 30% удел во вкупните приходи од маркетинг услугите минатата година, што претставува намалување од 37% пред една деценија, проценува Madison and Wall, консултантска и маркетинг агенција.
Omnicom и Interpublic се надеваат дека заедно ќе бидат заштитени од овие трендови. Раководителите на компаниите ветуваат годишни заштеди од 750 милиони долари со спојување на заедничките функции и најавуваат дека ќе инвестираат повеќе во ВИ технологијата. Отстранувањето на еден конкурент од врвот на маркетинг индустријата ќе ја зајакне нивната моќ за одредување на цени, што може да не им се допадне на регулаторите. Но, како што истакна извршниот директор на Omnicom, Џон Врен, Google и сличните компании треба да ги уверат антимонополските органи дека нема да има недостиг од конкуренција. Господинот Врен, исто така, очекува поповолна деловна средина под водство на Доналд Трамп. Спојувањето има „голема индустриска логика“, вели Брајан Визер од Madison and Wall.
Извор: Pixabay
Дали ова ќе им овозможи на агенциите да се натпреваруваат со технолошките ривали? Или можеби тоа е погрешното прашање. „Ако барам најсовремена вештачка интелигенција, дали ќе се обратам на мојата маркетинг агенција? Дали сте луди?“ прашува Ришад Тобаковала, поранешен главен стратег во Publicis. Тој смета дека вештачката интелигенција ќе стане услуга која агенциите ќе ја користат, слично како електричната енергија, наместо да биде нивна конкурентска предност.
Можеби, поверојатно е дека агенциите ќе се насочат кон нови видови на работа. „Светиот грал“ во оваа индустрија е всушност комбинирањето на купувањето реклами со анализа на податоци, тврди брокерската фирма Bernstein, која го наведува успешното преземање на Epsilon, компанија за податоци од страна на Publicis во 2019 година. Во моментов, Publicis има 25.000 инженери кои им помагаат на клиентите со сè, од управување со податоци до изработка на апликации. Со ваков вид на работа, агенциите сè повеќе конкурираат со консултантските фирми, кои, пак, навлегуваат во бизнисот со рекламна содржина преку оддели како Accenture Song.
Извор: Economist.com
