Во срцето на добриот brand storytelling лежи фундаменталното разбирање дека луѓето копнеат за приказна, бараат емоција и наратив преку кој ќе се поврзат и кој ќе се поклопи со нивните соништа, желби и идеали. Во свет преплавен со информации, приказните се полн погодок кога треба да се допре до потрошувачот.
Прв доказ дека прават добра работа е фактот што кога размислував кои брендови да ги одвојам како позитивен пример први на памет ми падна токму следниве три токму поради приказната и филозофијата која ја продаваат зад брендот.
Кампањата на Apple – „Think different“
Кампањата беше актуелна во периодот од 1997 до 2002 година. Оваа брилијантна кампања не продаваше само компјутери; продаваше филозофија. Кампањата се состоеше од серија печатени реклами со црно-бели слики на познати иноватори и мислители, како што се Алберт Ајнштајн, Мартин Лутер Кинг Јуниор и Џон Ленон, придружени со ознаката „Think Different“. Рекламите не прикажуваа никакви производи на Apple, но ги охрабрија гледачите да размислуваат за вредностите и мисијата на компанијата. Една од клучните предности на кампањата „Think Different“ беше нејзината способност да создаде емотивна врска со потрошувачите. Преку прикажување слики на познати иноватори и мислители, кампањата ги скокотна аспирациите и вредностите на потрошувачите. Со усогласувањето со бунтовниците и визионерите, Apple се позиционираше како компанија која ја споделува нивната желба да го промени светот и да направи разлика.До ден денес, Apple e епитом за lovemark и продавање приказна.
Слоганот на Nike – „Just Do It“
Познатата кампања на Nike „Just Do It“ е доказ за трансформативното влијание на моќното брендирање врз однесувањето на потрошувачите. Лансиран во 1988 година, овој слоган не само што стана синоним за брендот, туку предизвика и културна револуција. Слоганот „ Just Do It “ е повеќе од маркетиншка фраза; ја опфаќа филозофијата што резонираше кај потрошувачите на длабоко лично ниво. Кампањата содржи инспиративни приказни и слики на спортисти кои ги надминуваат предизвиците, создавајќи емотивна врска што ја надминува промоцијата на производот. Со поврзување на брендот со стремежот за лична извонредност, Nike се позиционираше како повеќе од обична компанија за спортска облека; стана симбол на мотивација и зајакнување. Влијанието врз однесувањето на потрошувачите беше моментално и длабоко. Продажбата на Nike вртоглаво порасна, покажувајќи ја ефективноста на усогласувањето на брендот со аспиративните вредности. Кампањата не само што привлече спортски ентузијасти, туку и допре до пошироката публика која бара мотивација во различни аспекти од животот
Кампањата „Real Beauty“ на Dove
Dove ги предизвика стереотипите за убавина, промовирајќи самодоверба и поттикнувајќи горки дебати ширум светот, создавајќи длабока емотивна врска со својата публика. Целите на кампањата „Real Beauty“ беа повеќеслојни. Прво, Dove имаше за цел да ги редефинира стандардите за убавина кои долго време беа диктирани од медиумите и општеството. Кампањата се обиде да ги прошири недостижни стандарди за убавина и препозна дека убавината доаѓа во сите облици, големини, бои и возрасти, токму ова стана централна порака на нивната кампања. Потоа, кампањата имаше за цел да ја зголеми самодовербата кај жените. Преку прикажување на вистински жени со различни типови на тело и изглед, Dove имаше намера да ги натера жените да се чувствуваат видени и претставени, поттикнувајќи попозитивна слика за себе. Резултатот? Кампањата „Real Beauty“ остави длабоки долгорочни ефекти врз брендот Dove. Со залагање за различност и инклузивност во убавината, Dove се извои од другите брендови и се позиционираше како социјално одговорен бренд. Ова му помогна на Dove да изгради лојална база на клиенти и значително да го подобри имиџот на својот бренд.
Ако внимателно ги погледнеме сите три примери ќе сфатиме дека умешно го лоцирале главниот лик околу кој ќе ја градат приказната, точно знаат што сака, за што сонува, за што сака да зборува. И токму тука е главниот catch – играјќи со емоцијата пренесуваат толку моќна порака која несвесно ќе те натера да станеш дел од нив. Односно во конкретната ситуација да го купиш нивниот производ. Преку создавање идеал, филозофија и начин на живот, брендот станува must have, станува lovemark. А кога еднаш ќе станеш lovemark, само треба умешно да се вози приказната.
Сега погледнете околу себе, на која приказна „паднавте“ вие?