Microsoft и LinkedIn го објавија својот годишен индекс на трендови на трудот, кој ги разгледува влијанијата на вештачката интелигенција на пазарот на трудот. Беа анкетирани 31.000 луѓе во 31 земја, вклучувајќи ги САД, Велика Британија, Германија, Франција, Индија, Сингапур, Австралија и Бразил.
Според овој индекс, иако 75 отсто од вработените користат вештачка интелигенција на работното место, повеќе од половина од испитаниците не сакаат да признаат дека ја користат за нивните најважни задачи. Тоа е затоа што 53 отсто од нив се загрижени дека тоа ќе направи да изгледаат заменливи.
Покрај тоа, речиси половина од професионалците се загрижени дека вештачката интелигенција ќе ги замени на нивните работни.
Колет Сталбаумер, генерален менаџер на Microsoft Copilot и ко-основач на Microsoft WorkLab, изјави за CNBC Make It дека вработените треба да ги надминат своите стравови и да почнат да ја прифаќаат вештачката интелигенција.
„Колку повеќе можете како вработен да се потпрете на вештачката интелигенција и да научите, толку подобри ќе бидете. Мислам дека луѓето треба малку да го надминат стравот, да бидат пооптимистичнии и да ја искористуваат можноста да ги научат овие вештини бидејќи сите податоци покажуваат дека тоа ќе ги направи повредни на пазарот, без разлика дали се во нивната компанија или бараат да најдат нова работа“, рече Сталбаумер.
Извор: Freepik
Се претпочитаат вработени со познавање на вештачка интелигенција
Според истражувањето, во последните осум години ангажирањето на таленти за вештачка интелигенција се зголемило за 323 отсто. Но, не-техничките работници кои знаат како да користат алатки за вештачка интелигенција како ChatGPT и Microsoft Copilot, се исто така многу барани.
Студијата покажа дека 66 отсто од лидерите изјавиле дека не би вработиле некого без вештини за вештачка интелигенција, а 71 отсто од директорите попрво би ангажирале помалку искусен работник со вештини за вештачка интелигенција отколку поискусна личност без познавање за ВИ.
Додека шефовите го ценат знаењето за вештачка интелигенција на работното место, тие не преземаат активен пристап кон развивање на вештините за ВИ кај вработените. Речиси половина од американските директори во моментов не инвестираат во алатки за ВИ за вработените, а нешто повеќе од една четвртина од компаниите планираат да понудат генеративна обука за вештачка интелигенција оваа година.
Во меѓувреме, само 39 отсто од луѓето ширум светот кои користат вештачка интелигенција на работа добиле обука за вештачка интелигенција од нивните работодавци.
Ако сте компанија, или заостанувате или одите напред. Нема трајност, затоа треба да разговарате за тоа кое е вашето гледиште за вештачката интелигенција и како таа ќе го подобри бизнисот, изјави Аниш Раман, потпретседател и експерт за работна сила во LinkedIn на CNBC Make It.
Вработените користат вештачка интелигенција за да напредуваат
И покрај некои од овие стравови, работниците се свесни за придобивките што ги обезбедуваат алатките за вештачка интелигенција и ги користат за да ги унапредат своите кариери.
Повеќе од три четвртини од професионалците велат дека им се потребни вештини за користење вештачка интелигенција за да останат конкурентни на пазарот на труд и дека тоа ќе им овозможи пристап до повеќе можности за работа. Нешто помалку од 70 отсто велат дека тоа може да им помогне да напредуваат побрзо.
„Нашите работни места ќе се променат и ќе се појават нови позиции. Она што луѓето можат да го направат за да се справат со таа анксиозност е прво да размислат за вештините. Извршниот директор на Microsoft, Сатја Надел вели: Ова е ера на учење сè, не знаејќи сè“, објасни Аниш Раман.
