Ова го покажува извештајот на Меѓународната организација на трудот (ILO) при Обединетите нации.
Според извештајот, 9,6% од традиционалните „женски“ професии и 3,5% од „машките“ ќе бидат трансформирани под влијание на AI технологијата најмногу во секторите за администрација и канцелариско работење.
Иако учеството на луѓето и понатаму ќе биде клучно за многу задачи, природата на овие работни места значително ќе се промени повеќе отколку што целосно ќе исчезнат, се наведува во извештајот.
Професиите во медиумите, софтверската индустрија и финансиите исто така се високо изложени на влијанието на AI, која сè повеќе ги развива своите когнитивни способности.
„Нагласуваме дека ваквата изложеност на AI не значи моментална целосна автоматизација на професиите, туку укажува на потенцијалот за прераспределба на задачите преку користење на оваа технологија,“ се вели во извештајот.
Обединетите нации ги повикуваат владите, како и здруженијата на работодавачи и работници, да разгледаат начини на кои вештачката интелигенција би можела да се искористи за зголемување на продуктивноста и квалитетот на работата, а притоа да се зачуваат работните места.
Извор: web-mind.rs
