Демистифицирање на магијата во кампањата „вистинска магија“
На почетокот на оваа година, Coca-Cola со здружени сили со OpenAI и Bain & Company, воспоставија посебна платформа за нивната кампања „Создади вистинска магија“.
Со оваа иницијатива поканија дигитални уметници од целиот свет да црпат инспирација од огромната архива на Coca-Cola, која беше достапна на јавноста. Вкупно 110 уметници ширум светот учествуваа во овој потфат, а 30 од нив имаа привилегија да го посетат седиштето на Coca-Cola во Атланта каде што учествуваа во арт-работилници водени од тамошни експерти.
Плодовите од нивниот труд, беа изложени на иконски локации како што се Times Square во Њујорк и Piccadilly Circus во Лондон.
Иако оваа кампања беше оценета како успешна, не беше еднократна.
Имено, соработката на Coca-Cola со ВИ означува стратешка промена која ги трансцедентира традиционалните маркетинг кампањи. Според Џон Марфи, директорот на финансии, новооснованата релација помеѓу Coca-Cola и вештачката интелигенција е поширока од само маркетинг кампања. Претставува можност за ефикасно адресирање на комплексни бизнис предизвици, со тоа што се намалуваат времето и енергијата кои се вообичаено потребни за резолуција на истите.
Според зборовите на Марфи, „Ова го гледаме како можност да преземеме било кој сложен бизнис предизвик и да го компресираме во сет на решенија кои вообичаено би одземале многу повеќе енергија и време. Во моментов сме во процес на тестирање, учење и мерење на резултатите, но го гледаме како клучен момент за престоечката еволуција во начинот на кој ќе работиме“, изјави во интервју во Блумберг во април 2023.
Значи, ако бренд како Coca-Cola ја прифаќа вештачката интелигенција, дали тоа значи дека истата станува императив во рекламната индустрија?
И како да се имплементира на начин да не ја компромитира автентичноста на Вашиот бренд?
Подолу ќе споделиме некои од поважните лекции кои финансиовиот директор ги посочи како приоритети во спроведувањето на ВИ во бизнисот.
L’AI pour L’AI
Во денешниот свет воден од технологијата, ВИ се чини дека се појавува како моден додаток кој се користи да го прикаже модернизмот на брендовите. Но, клучно е да се испита дали вештачката интелигенција е навистина неопходна за одредени предизвици. Само следење на одредени трендови не гарантира одржливост.
Многу организации може да се засрамат и оттргнат од ВИ заради страв од непознатото или одбивност во преземање ризици. Како и да е, вештачката интелигенција е цврсто присутна и станува императив за бизнисите да го истражат потенцијалот на истата.
Џон Марфи ја нагласува потребата за адаптирање на ВИ на структуриран и обмислен начин, нагласувајќи го значењето на вештачката интелигенција како стратешко средство, а не како експериментална новост.
„Секоја нова потенцијално неистражена технологија ќе предизвика сомнеж и контроверзии. Многу е важно да се скалира соодветно во компанија како нашата и да има добра супервизија, протоколи и можности за соработка со различните интерни и екстерни засегнати страни. Го гледаме ова како храбар, наспроти непромислен чекор во нашето работење“, верува Марфи.
Бројките го одразуваат овој наш став.
ВИ ги трансформира маркетинг стратегиите
Влијанието на ВИ во перформансот на Coca Cola е видливо. Податоците од април 2023 кратко по лансирањето на кампањата „Создади вистинска магија“ покажуваат значителен пораст за тековната година
- Проектиран пораст од 7-8% во органскиот приход
- Зголемување од 4-5% на заработката по акција;
- Значајно зголемување од 9,5 милијарди долари во готовинскиот тек.
Овие придобивки произлегуваат првенствено од посветеноста на Coca-Cola за иновации и маркетинг.
„Секој нов ангажман со нашата база на корисници е основата која ни помага да создадеме нова вредност (…) Маркетинг иновациите се моторот кој ни овозможува да се поврземе со нашата база на корисници. На пат сме да дигитализираме голем дел од нашите интеракции“, изјави тој.
Современиот начин на размислување на Coca-Cola кој беше евидентен и за време на Ковид-19 пандемијата, се карактеризира со способноста брзо да се адаптира на еволутивниот пејзаж на индустријата.
Компанијата транзитираше од традиционалното „планирање на сценарио“ кон динамично „менаџирање на сценарио“, нагласувајќи длабоко разбирање за постојаните трендови и дигитална адаптација.
„Кога станува збор за мапирање на финансиските сценарија особено во несигурни економски услови, се почнува со комплетно разбирање на трендовите и тука сме за да останеме (…) Ако не размислувате како да оперирате во дигиталниот свет и како ќе ги градите капацитетите за да го направите тоа, тогаш ќе останете позади“, заклучи тој во интервју за CFO Dive.
Сумирано, финансовиот директор на Coca-Cola нуди план за успешна интеграција на ВИ: спој на стратешко предвидување, иновации и адаптирање во време на менување на дигиталниот пејзаж.
Комбинирање на ВИ во маркетингот со апликации од реалниот свет
Влезот на Coca-Cola во вештачката интелигенција не е само во маркетингот, туку се проширува и на операции во реалниот свет, што претставува пример за холистички пристап кон технолошката интеграција. Компанијата препозна дека ВИ може да биде трансформативна алатка не само за зголемување на видливоста на брендот, туку и за рационализирање на операциите.
На пример, Coca-Cola ја искористи ВИ за вендинг машините кои не се само апарати за самопослужување со пијалаци, туку ги надгледуваат залихите и преференциите на потрошувачите во реално време. Ова ниво на оперативна интелигенција ѝ овозможува на компанијата да ги оптимизира распоредите за достава на роба, да го намали времето на застој и да се осигура дека омилените пијалаци на потрошувачите ќе бидат достапни во секое време.
Резултатот не е само задоволни потрошувачи, туку и поефикасен систем на логистика и менаџирање со синџирот на снабдување.
Она што е уште поважно е дека патот на Coca-Cola со ВИ ја нагласува потребата бизнисите да ја гледаат истата како технологија која може да се прилагоди според потребите, наместо како едно решение за сите.
Не станува збор за менување на постоечките модели на работа, туку замислување како вештачката интелигенција би можела да ги вивне бизнисите во нови височини. За Coca-Cola, ВИ значеше прецизирање на маркетингот и зголемување на оперативната ефикасност, како одраз на посебните цели и предизвици на компанијата.
Овој адаптибилен модел дозволува бизнисите да го жнеат потенцијалот на ВИ да ги решава потенцијалните болни точки, без разлика дали се работи за подобрување на активноста на корисниците, оптимизирање на синџирот на набавки или подобрување на квалитетот на производот.
Уникатната употреба на вештачката интелигенција од страна на Coca-Cola, сведочи за трансформативната моќ на технологијата која ако се скрои според специфичните барања на бизнисот, ја поставува основата за нова ера на иновации во индустријата на пијалаци.
