Google значително ја подобри својата алатка за пребарување. Со новиот AI Mode, корисниците сега можат да водат вистинска „разговорна“ пребарувачка интеракција, да поставуваат комплексни прашања и да добиваат јасни, концизни одговори без да скролаат бесконечно низ линкови. Оваа функција го користи Gemini AI моделот и овозможува пребарувањето да се претвори во двонасочна, персонализирана услуга, истакнуваат од компанијата.
Gemini 2.5 Pro и Deep Think
За оние што бараат повеќе од само основни одговори, Google го претстави новиот Gemini 2.5 Pro – модел способен да „мисли подлабоко“. Со Deep Think режимот, овој алат решава комплексни задачи како програмирање, математички проблеми и анализа на податоци и тоа го прави побрзо и попрецизно од кога било досега.
Алатки за генерирање видеа и слики – Veo 3, Imagen 4 и Flow
Google годинава направи голем чекор во светот на генеративните медиуми. Новите модели Veo 3 и Imagen 4 им овозможуваат на корисниците да создаваат реалистични видеа и слики директно од текстуални описи. Алатката Flow ги користи овие модели за да им ја олесни работата на креативците, особено на оние кои работат во маркетинг, образование или на социјални мрежи.
Projеct Astra и Project Mariner
Google претстави два „паметни асистенти“ од новата генерација. Project Astra им овозможува на корисниците да поставуваат прашања директно преку камерата на телефонот, на пример, да ја насочат камерата кон некој предмет и да добијат објаснување или инструкции во реално време. Од друга страна, Project Mariner е дизајниран да автоматизира повеќе задачи истовремено, од правење резервации и пребарување, до онлајн купување и организација на активности.
Stitch – дизајн на апликации без кодирање
Ако сакате брзо да направите визуелен изглед на апликација, тука е Stitch. Оваа алатка им овозможува на корисниците да цртаат или опишуваат интерфејс, а потоа автоматски добиваат генериран frontend-код. Ова значително го забрзува развојот, особено во раните фази на проектот.
Персонализирано пребарување – AI Overviews
Google ја прошири функцијата AI Overviews во повеќе од 200 земји. Сега корисниците можат да добијат прецизни и корисни одговори дури и на најкомплицираните прашања. Благодарение на опцијата за „личен контекст“, ВИ ги користи податоците од вашиот Gmail или Google Drive за да понуди порелевантни и персонализирани информации.
Gemini Live и Agent Mode
Сосема нов начин на интеракција со вештачката интелигенција! Gemini Live им овозможува на корисниците да комуницираат со ВИ преку камера и екран, додека Agent Mode автоматизира сложени задачи од пребарување станови до резервација билети без потреба од префрлување од една на друга апликација.
Нови алатки за програмери
Gemini 2.5 Flash е оптимизиран за екстремна брзина, а новиот Gemma 3n модел може да функционира дури и на мобилни уреди, што отвора голем потенцијал за развој на ВИ апликации на различни платформи. За програмерите, Google додаде и алатки за подобра контрола, транспарентност и следење на работата на моделите.
Google AI Ultra – премиум претплата за технолошки елитни корисници
Највисокото место во новите Google понуди го зазема AI Ultra, ексклузивна претплата наменета за напредни корисници. Овој пакет овозможува пристап до најмоќните ВИ алатки, експериментални функции, најновите модели и дури 30 терабајти простор за складирање. Во понудата се вклучени и YouTube Premium без реклами, како и сите предности од Gemini екосистемот. Со цена од речиси 250 долари месечно, оваа услуга е наменета за бизниси, девелопери и професионалци кои бараат врвна технолошка предност и незапирливи можности за иновација.
Извор: web-mind.rs
