Од првата верзија во 2008 година до најновите напредни функционалности, Android стана симбол на приспособливост и иновации во мобилната технологија, нудејќи им на корисниците постојано подобрено искуство и отворајќи можности за развој на апликации и сервиси што го променија секојдневието.
Android – во служба на граѓаните ширум светот
Android, еден од најраспространетите оперативни системи во светот, слави роденден, нудејќи можност да се осврнеме на неговото влијание и еволуција од неговото лансирање до денес. Развиен од компанијата Android Inc., Android првично бил замислен како оперативен систем за дигитални камери. Сепак, неговиот потенцијал брзо го препознал Google, кој го презел во 2005 година и го насочил кон мобилните уреди. Првата верзија, Android 1.0, беше претставена во 2008 година на телефонот HTC Dream, познат и како T-Mobile G1. Тоа беше скромен почеток, но со јасна визија за отвореност и флексибилност што стана темел на Android.
Новите верзии на Android и клучните предности
Од тогаш, Android помина низ многу повторувања, при што секоја нова верзија донесуваше подобрувања и нови функционалности. Секоја верзија носеше име на десерт по азбучен редослед, што беше симпатична практика која се задржа до верзијата Android 10, кога се премина на поедноставна нумерација. Верзиите како Cupcake, Donut, Eclair, и подоцнежните популарни верзии како Lollipop, Marshmallow, Nougat и Oreo, станаа дел од поп културата и синоним за технолошки иновации.
Извор: Bizlife.rs
