Ова отвори полемика за напредокот на технологијата што развива софистицирани „сексботови“, како и за потенцијалните социјални и етички импликации на овие промени. Еден научник тврди дека наближува времето кога жените ќе ги заменат мажите со роботи кога се во прашање сексуалните односи.
Научникот: Жените за десет години ќе користат роботи како сексуални партнери
Футурологот Иан Пирсон предвидува дека за десет години жените ќе престанат да бараат мажи и наместо тоа ќе користат роботи за задоволување на своите сексуални потреби.
Според неговите зборови, различни форми на роботизиран секс ќе се појават во побогатите домаќинства до 2025 година, според извештај на британскиот весник „The Sun“. Исто така, предвидува дека жените би можеле да почнат да се вљубуваат во роботи.
Иако неговите идеи за многумина се дискутабилни, сѐ поголемата прифатеност на сексуалните играчки и напредокот на вештачката интелигенција укажуваат на тоа дека неговите прогнози можеби не се далеку од вистината, наведува порталот News18.
Пирсон истакнува дека не сме „далеку од оваа визија“ и укажува на фактот дека сексуалните играчки и вибраторите станале вообичаени во јавните дискусии. Тој сугерира дека нема да помине многу време пред сексот со роботи да стане попопуларен меѓу жените отколку гледањето порнографија. Исто така, предвидува дека до 2050 година сексот со роботи ќе биде почест од нормалниот секс, целосно засенувајќи ги човечките интимни односи.
Научникот во својот извештај, кој го нарачал интернет секс шопот „Bondara“, напишал дека многу луѓе на почетокот ќе имаат резерви кон сексот со роботи, но како што вештачката интелигенција и механичкото однесување на роботите се подобруваат, а со тоа и создаваат силни емоционални врски, таа непријатност ќе исчезне со текот на времето. Извештајот со наслов „Подемот на робосексуалците“ предвидува дека сексот во виртуелната реалност ќе стане вообичаен до 2030 година, додека до 2035 година сексуалните играчки ќе бидат поврзани со виртуелниот секс.
Пирсон изјавил дека сексуалните роботи дополнително ќе ги намалат емоционалните бариери, ќе го отстранат чувството на вина, ќе го подобрат менталното здравје и ќе им овозможат на луѓето да уживаат повеќе во животот. Сепак, тој истакнал дека „вистинските односи и понатаму ќе бидат високо ценети“ и додал дека сексот со роботи не треба да се смета за закана, туку како поддршка на човечката сексуалност.
Извор: Web-mind.rs
