Современите препораки за здрава исхрана вклучуваат околу 30 различни растенија неделно. Тоа можете да го постигнете со различни мешавини од зеленчук, кои ќе ги најдете во овие имагинативни рецепти.
Три рецепти за јадења со зеленчук кои лесно ќе ги подготвите
1. Печен дал со кајсии
Совршен баланс на луто, солено и слатко, овој дал е одличен сам по себе, со ориз или во комбинација со крцкава, свежа салата.
Извор: Freepik
Состојки за 4 порции:
- 1 главица кромид
- 2 главици црвен кромид
- 3 чешниња лук
- 5 см свеж ѓумбир
- 75 г суви кајсии, плус дополнително за сервирање
- 3 лажици неутрално масло по ваш избор
- 2 лажици паста од тамаринд
- 1 лажица семе од ким
- 1 лажица благо кари во прав
- 1 лажица гарам масала
- 1 лажичка мелена куркума
- ½ лажичка чили во прав
- Прстофат морска сол, плус дополнително за зачинување
- 250 г црвена леќа
- 3 лажици џем од кајсии
- 400 г сечкани домати од конзерва
- 400 мл кокосово млеко (од конзерва)
- 750 мл супа од зеленчук (бујон)
- 20 г нутритивен квасец
- За сервирање: зелени чили пиперки, листови коријандер, кафеав басмати ориз или растителен наан леб.
Подготовка:
- Чекор 1: Загрејте ја рерната на 200°C.
- Чекор 2: Подгответе ги состојките. Ситно исечкајте го кромидот. Црвениот кромид исечете го на кругови. Излупете ги и изрендајте ги лукот и ѓумбирот. Ситно исечкајте ги сувите кајсии. Во мал сад изматете 1 лажица масло со пастата од тамаринд и оставете го на страна.
- Чекор 3: Загрејте ги преостанатите 2 лажици масло во голема, плитка тава на среден оган. Додадете ги семето од ким, карито, гарам масалата, куркумата и чилито во прав, па гответе околу 20-30 секунди додека не запени и замириса. Додадете го сечканиот кромид и прстофат сол и гответе 7-8 минути додека не омекне и не почне да се карамелизира (додадете малку вода ако кромидот почне да се лепи). Додадете ги лукот и ѓумбирот и гответе минута-две.
- Чекор 4: Исплакнете ја леќата под ладна проточна вода додека водата не стане бистра, а потоа добро исцедете ја. Додадете ја леќата, џемот од кајсии, сечканите кајсии, конзервираните домати, кокосовото млеко, супата и нутритивниот квасец. Зачинете со сол и мешајте додека не се соедини. Оставете да зоврие, па намалете ја температурата.
- Чекор 5: Врз смесата со леќа распоредете рамномерен слој од круговите црвен кромид, па со лажица прелијте ги со смесата од тамаринд за да се глазираат. Зачинете со сол и печете во загреаната рерна 40 минути, додека леќата не омекне, а кромидот не се карамелизира.
- Чекор 6: Внимателно извадете го јадењето од рерната. Исечкајте малку дополнителни суви кајсии и посипете ги одозгора со неколку сечени зелени чили пиперки и листови коријандер. Послужете со басмати ориз.
2. Запечено тофу и зеленчук со хариса
Кремаст сос од индиски ореви се среќава со зрна од калинка и свежи билки. Состојките се доволни за 6 порции.
Извор: Freepik
За маринадата од хариса:
- 3 чешниња лук
- 3 лажици паста од хариса
- 3 лажици маслиново масло
- 1 лажица сок од лимон
- 2 лажици јаворов (или агаве) сируп
- ½ лажичка морска сол и ½ лажичка мелен црн бибер
За печење:
- 560 г цврсто тофу
- 1 голема црвена пиперка и 1 голема жолта пиперка
- 2 главици црвен кромид
- 1 тиквица
- 400 г леблебија од конзерва
- 200 г чери домати
- 2 лимона
За кремот од индиски ореви:
- 150 г сурови индиски ореви
- 140 мл растително млеко
- 25 г нутритивен квасец
- ½ лажичка морска сол
Подготовка:
- Чекор 1: Загрејте ја рерната на 220°C и обложете 2 големи плеха со хартија за печење.
- Чекор 2: Направете ја маринадата со мешање на изгмечениот лук, харисата, маслиновото масло, лимоновиот сок, сирупот, солта и биберот.
- Чекор 3: Исцедете го тофуто и исушете го со кујнска хартија. Исечкајте го на мали коцки и додадете го во маринадата. Исечете ги пиперките, кромидот и тиквицата на слична големина. Додадете ги исцедените леблебии и чери доматите и убаво промешајте.
- Чекор 4: Распоредете ги тофуто и зеленчукот во плеховите во еден слој. Преполовете ги лимоните и ставете ги во плеховите со исечената страна надолу. Печете 25-30 минути.
- Чекор 5: Потопете ги индиските ореви во зовриена вода 10 минути. Исцедете ги и изблендирајте ги со растителното млеко, квасецот и солта додека не станат мазни.
- Чекор 6: Исцедете го сокот од печените лимони во кремот од индиски ореви и промешајте.
- Чекор 7: Послужете го зеленчукот и тофуто прелиени со кремот и посипете со коријандер и калинка.
3. Бујон со нудли, кокос, босилек и брокула со лут сос од кикирики
Пријатна супа со кремаст бујон од кокос и босилек, полна со ароматични состојки.
Извор: Freepik
Состојки за две порции:
- 4 долгнавести лутки (шаллот)
- 4 чешниња лук
- 5 см свеж ѓумбир
- 400 мл кокосово млеко
- 70 г босилек
- 2 лажици масло по избор
- 750 мл супа од зеленчук
- 150 г брокула со долги стебла
- 200 г рамен нудли
- За сосот од кикирики: 1 лимета, 100 г печени несолени кикирики, 2 лажици чили масло (crispy chili oil), 1 лажица соја сос, прстофат шеќер и сол.
Подготовка:
- Чекор 1: Исечкајте ги лутките, лукот и ѓумбирот. Изблендирајте го кокосовото млеко со босилекот.
- Чекор 2: Загрејте масло во тенџере, пропржете ги лутките и ѓумбирот 6-7 минути, па додадете го лукот. Тргнете половина од оваа смеса на страна (за сосот). Во тенџерето истурете ја супата и оставете да зоврие.
- Чекор 3: За сосот: Исечкајте ги кикириките и измешајте ги со зачуваната пржена лутка, чили маслото, соја сосот, шеќерот, солта и сокот од лимета.
- Чекор 4: Пропржете ја брокулата во тава со малку сол 2-3 минути додека малку не потемни на рабовите.
- Чекор 5: Сварете ги нудлите според упатството.
- Чекор 6: Во чиниите ставете ја смесата од кокос и босилек, па прелијте со жешкиот бујон. Додадете ги нудлите, брокулата и обилно прелијте со сосот од кикирики. Послужете со парчиња лимета.
Овие рецепти за јадења со зеленчук делуваат егзотично бидејќи вклучуваат состојки типични за индиската или азиската кујна. Сепак, станува збор за имагинативна фузија со современи елементи. Тие се топли, вкусни и хранливи.
Извор: easylife.rs
