Според неа, пред CV-то да стигне до лицето што ја носи конечната одлука за вработување, поминува низ три фази на преглед: автоматизиран систем за селекција на кандидати (ATS), проценка од страна на регрутер и на крајот евалуација од HR тимот. Без успешно поминување на сите три нивоа на селекција, шансите да бидете повикани на интервју се минимални.
Најголемата грешка
Беверич истакнува дека најчеста грешка кај кандидатите е тоа што не ги користат клучните зборови од огласот за работа. Автоматизираните системи за скенирање на CV бараат термини што се појавуваат во огласот, а без нив вашата професионална биографија може веднаш да биде одбиена. „Со вклучување на тие изрази ја зголемувате шансата да ја поминете првата пречка“, вели Беверич. „Дури и регрутерите и HR лицата не се секогаш експерти во областа за која се бара кадар, па јасните информации им помагаат при изборот.“ Доколку се пријавувате на повеќе огласи без конкретна насока, таа советува да проучите повеќе слични огласи и да ги вметнете најчесто користените изрази во вашиот текст.
Фокусирајте се на потребите на работодавачот, а не на вашите цели
Уште една голема грешка е тоа што кандидатите ги пишуваат своите биографии од лична перспектива, наместо да се фокусираат на потребите на работодавачот. „Регрутерите не се заинтересирани за тоа што вие сакате. Тие се заинтересирани за тоа кој најдобро одговара на потребите на нивниот клиент. Оставете ги вашите кариерни цели за интервјуто и фокусирајте се на тоа што имате да понудите во биографијата“, вели Беверич.
Воведната изјава е клучна: „Избегнувајте генерализирани фрази како ‘вреден тимски играч’. Наместо тоа, преминете директно на суштината кој сте и во што сте добри, без разлика дали сте наградуван маркетинг експерт, овластен сметководител со ACCA сертификат или ИТ проектен менаџер со искуство во водење проекти од почеток до крај.“
Едноставноста и јасноста ќе ја привлечат вниманието на регрутерот
Иако е важно вашиот CV да биде информативно, подеднакво е важно да биде лесено за читање. Беверич предупредува дека CV-јата често се прегледуваат „во движење“, помеѓу состаноци, па дури и на мобилни телефони. „Користете едноставни фонтови, јасен распоред и избегнувајте неред во текстот. Фокусирајте се на тоа што е важно за работодавачот и олеснете му да ве избере“, вели таа.
Што да вклучите, а што да избегнете
Според неа, нема потреба во биографијата да се наведуваат брачен статус, датум на раѓање или хоби, освен ако не се директно релевантни за работата. Она што мора да биде вклучено се: релевантни сертификати, професионални акредитации, работно искуство и достигнувања. „Тоа ја покажува вашата професионална широчина. И не заборавајте: ставете ги вашите контакт информации на врвот на секоја страница“, вели Беверич. „Ќе се изненадите колку луѓе го забораваат тоа.“
Максимум две страници за оптимален впечаток
На крај, таа потсетува дека биографијата не треба да биде подолга од две страници.„Биографијата е хибрид: ги истакнува вашите вештини и квалификации и ве претставува како кандидат. Деталите оставете ги за интервјуто. Прилагодете ја вашата биографија на секој оглас за работа, така што работодавачот веднаш ќе може да ве замисли на таа позиција“, заклучува Беверич.
Извор: bizlife.rs
