Грешки на интервју што треба да се избегнат
Вашиот потенцијален работодавач ќе биде разочаран ако не стигнете навреме на интервјуто, така што првата грешка што треба да ја избегнете е доцнење на разговор за работа.
Ако имате онлајн интервју, секогаш тестирајте ја интернет врската пред да започнете со разговорот. Иако тоа не мора секогаш да биде ваша вина, добро е разговорот да помине во најдобар ред. Дури и ако интервјуто се одвива преку интернет, треба да бидете соодветно и пристојно облечени. Планирајте го „аутфитот“ однапред и уверете се дека облеката ви е чиста и испеглана.
Ова не би требало ни да се споменува, но внимавајте и на личната хигиена. Косата треба да биде измиена, а ноктите чисти и средени. Добриот изглед ќе ви помогне да се чувствувате посамоуверено дури и на виртуелно интервју.
Без разлика на тоа колку добро изгледале кога сте ги пробале во продавница, новите чевли не се добар избор за разговор за работа. Ако ве болат нозете, ќе бидете нервозни и потенцијално ќе се вртите обидувајќи се да ја ублажите непријатноста, што може да доведе до тоа да се чувствувате непријатно и за време на самиот разговор. Играјте на сигурно и носете удобни чевли за кои нема ни да помислите додека сте на интервју.
На вас е да се промовирате. Одвојте време за да го прелистате своето CV, за кога соговорникот ќе постави прашања, да можете со сигурност да одговорите, наместо само да се обидувате да се присетите што сте напишале.
Не испраќајте универзално CV, наместо тоа, прилагодете го на конкретната работна позиција за која аплицирате, така што ќе дојдат до израз токму релевантните проекти и одговорности.
Извор: bizlife.rs
