Оваа повеќегодишна соработка претставува најголемо глобално партнерство на Nestlé, компанијата која стои зад КитКет, еден од омилените брендови на чоколадо во светот.
Со пренесување на својата култна порака „Направи пауза, земи КитКет“ во светот на големите брзини на Формула 1, познатиот бренд ќе се залага за важноста на одвојувањето моменти за одмор. Ова партнерство на иновативен начин обединува две големи глобални бази на фанови, спојувајќи ја возбудата од мотоспортот со препознатливата смисла за хумор на КитКет и традицијата на „споделување паузи“.
„Дури и на најбрзите спортисти им е потребна пауза! КитКет и Формула 1 склучија ново партнерство, со кое КитКет станува официјален чоколаден бар на Формула 1. Нашиот амбициозен план за победа се исполнува со молскавична брзина, а наскоро следат уште повозбудливи вести,“ изјави Даниела Јорданова, извршна директорка за категоријата кондиторски производи во Nestlé за Бугарија, Романија и Јадранскиот регион.
Сезона полна со изненадувања и паузи
Соработката помеѓу двата бренда официјално ќе започне кон крајот на сезоната 2025, со што ќе се одбележи 90-годишнината од КитКет и 75-тиот роденден на Формула 1. Партнерството ќе продолжи и во 2026 година преку многубројни активности ширум светот. Фановите на Формула 1 ќе уживаат во разни промотивни награди, ексклузивни „фан зони“, интерактивни искуства на одредени Гран При трки, брендирани патеки и содржини што ќе внесат ведрина и релаксација.
„Формула 1 е глобален феномен со брзо растечка, разновидна база на фанови, особено меѓу помладата публика,“ изјави Бернар Муние, раководител на стратешки деловни единици во маркетинг и продажба во Nestlé, и додаде: „Со своето глобално присуство, Формула 1 му нуди на КитКет совршена платформа да ги потсети сите дека треба да одвојат време за пауза. Возбудени сме што можеме да го внесеме нашиот препознатлив дух на забава во овој возбудлив спорт и да создадеме незаборавни искуства за публиката ширум светот.“
Емили Прејзер, комерцијален директор во Формула 1, изјави:
„Ни претставува задоволство да имаме глобално препознатлив и забавен бренд како КитКет за партнер. Луѓето ширум светот го сакаат КитКет и со нетрпение очекуваме да видиме колку радост ќе им донесе на нашите фанови на патеката и колку нова публика ќе привлечеме.“
Што е следно?
За повеќе детали, продолжете да го следите возбудливото патување на КитКет и Формула 1.
Извор: Bizlife.rs
