Видеото на Жаклин погодило многумина и собрало повеќе од 8 милиони прегледи и 900.000 лајкови.
Жаклин смета дека менаџерите никогаш нема да дозволат вработен кој е и добар во извршувањето на работата и секогаш насмеан додека работи да напредува. Таа смета дека тоа е така бидејќи шефовите знаат дека дури и да направат нешто лошо, „ќе мораат да го преминат тоа со насмевка“.
„Никогаш нема да бидете унапредени од тешката почетничка позиција која подразбира многу напорна работа… Ако добро ја вршите својата работа, не мора да бидете пријатни за соработка“, додала таа.
Лојалните вработени добиваат „казна за учинок“
Корисниците на TikTok во секцијата за коментари во голем дел се согласуваат со Жаклин и ја нарекуваат нејзината теорија „казна за учинок“, според која на добрите работници им се доделуваат повеќе задачи бидејќи се лојални и ефикасни.
Иако стереотипот дека „идиотите“ се поуспешни долго опстојувал, доказите го зборуваат спротивното.
Студија од 2020 година што ја спроведе Камерон Андерсон, професор по организациско однесување на Хаас бизнис школата на Универзитетот Беркли во Калифорнија, открила дека луѓето кои се непријатни кон другите не напредуваат побрзо на работното место од оние кои се пријатни.
Студијата користела резултати од тест за личност што ги направиле студенти и дипломци пред 14 години и како подоцна се развиле нивните кариери.
Извор: Unsplash / Hunters Race
Утврдено е дека нељубезните луѓе имаат две различни особини кои ги поништуваат сите добивки во кариерата. Тие биле доминантни и асертивни што им помогнало да стекнат моќ, но исто така биле и себични и помалку наклонети кон другите, што е особина на која колегите гледаат негативно.
Како да напредувате?
Можете да добиете одредени предности ако сте пријатни на работа, особено ако можете да им го олесните животот на вашите колеги, рекол Ендру Бродски, професор по менаџмент на Универзитетот Тексас на бизнис школата McCombs.
„Помагањето на другите луѓе и ориентацијата кон другите може да ви даде предност бидејќи луѓето ќе ви веруваат повеќе, што значи пристап до различни ресурси, како на пример информации кои не се достапни за сите во организацијата“, рекол Бродски за CNBC Make It.
„Исто така, може да стекнете статус со тоа што ќе бидете видени како некој кој е корисен за сите, а другите сакаат да ги наградуваат оние за кои мислат дека заслужуваат. Има многу корист од тоа што сме ориентирани кон другите, бидејќи ни се допаѓаат добрите луѓе и правиме убави работи за нив“, додал тој.
Студија
Студија од 2022 година, спроведена од истражувачи од Кинескиот универзитет во Хонг Конг, Универзитетот во Ајова и Универзитетот Пердју, ги зела предвид резултатите од просоцијалната мотивација на работното место, што значи ги анализирала луѓето кои сакаат да помагаат на другите.
Со анализа на 200 испитаници откриено е дека работниците со високо ниво на просоцијална мотивација доживуваат благосостојба, напредуваат во кариерата и имаат подобар работен учинок.
Иако постои популарен став дека повеќето извршни директори се нарцисоидни, Рајан Вогел, вонреден професор на Школата за бизнис и менаџмент Фокс на Универзитетот Темпл, рекол дека тоа не е вистина.
Луѓето кои прават нешта за другите и се отворени за идејата да возвратат со добро дело „имаат подобри постигнувања во својата кариера. Луѓето сакаат да бидат поврзани со такви луѓе. Има многу извршни директори кои се нарциси, но исто така има и многу извршни директори кои не се нарциси. Не секој нарцис победува во битката и не завршува како извршен директор“, рекол Вогел за CNBC Make It.
Извор: Freepik
Сепак, постојат некои предупредувања да не бидете премногу љубезни.
Пријатните луѓе не секогаш сакаат „да им угодат на другите“
Во видеото на тиктокерката, таа ја поврзува пријатната личност со променливоста, изјавил Вогел.
„Пријатните луѓе не се претерано прилагодливи. Тие не секогаш сакаат да им угодат на другите, но ги третираат луѓето со почит“, објаснил тој.
Бродски се согласува со овој став, истакнувајќи дека луѓето кои се премногу „ориентирани кон другите“ понекогаш го губат фокусот од сопствените интереси.
„Кога се случува тоа, можеби нема да се борите за својот личен интерес толку колку што ви е потребно, што понекогаш може да биде неопходно во компаниите“, навел тој.
Дел од причината зошто видеото е толку голем хит на социјалните мрежи е тоа што очекувањата на луѓето за корпоративната лојалност се прекршени во последните години, а вработените станале многу критични кон лидерите, заклучил Бродски.
