AI агенти – асистенти за корисничка поддршка
Корисничката поддршка е една од првите области каде што компаниите од е-комерц секторот започнаа со примена на AI. Агенти управувани од вештачка интелигенција овозможуваат автоматска, конверзациска поддршка во реално време, 24/7. За разлика од луѓето, на AI агентите не им треба пауза или одмор, што значи дека клиентите можат да добијат одговор веднаш без разлика дали се интересираат за статусот на нарачката, детали за производ или политика за враќање.
Овие виртуелни асистенти ги разбираат корисничките прашања (често со помош на обработка на природен јазик NLP) и обезбедуваат релевантни информации или совети, со што го скратуваат времето на чекање и го подобруваат купувачкото искуство.
За компаниите, ваквите AI chatbot решенија носат двојна добивка: ја зголемуваат ефикасноста на службата за корисници и ги намалуваат оперативните трошоци. Рутински прашања како често поставувани информации за испорака, AI агентот може самостојно да ги реши, намалувајќи го оптоварувањето врз call-центарот. Притоа, квалитетот на услугата останува висок, модерните AI платформи бележат над 90% задоволство кај клиентите по воведување на вакви решенија.
Персонализација на купувањето преку анализа на податоци
Една од најголемите придобивки од AI во е-комерцот е можноста за персонализација на понудата според секој поединечен купувач. Класичната веб-продавница нуди исто за сите, но со AI аналитика, секој посетител гледа производи што го интересираат токму него.
Алгоритмите за машинско учење анализираат огромна количина податоци за однесувањето на купувачите нивните пребарувања, разгледани производи, претходни нарачки. Врз основа на овие сознанија, системот ги предвидува желбите и потребите на секој корисник, автоматски прилагодувајќи го прикажаниот контент од препораки на насловната страница, до персонализирани понуди преку е-пошта.
За купувачот, тоа значи чувство дека трговецот го разбира и ги цени неговите потреби. За трговецот, поголема веројатност за купување.
Предиктивни модели и одлучување базирано на податоци
Модерните е-комерц компании носат стратешки одлуки врз основа на предиктивна аналитика базирана на AI. Тоа значи користење на алгоритми за машинско учење за предвидување на идните трендови во продажбата, побарувачката и однесувањето на купувачите, користејќи историски податоци.
На пример, наместо менаџер “од око” да процени колку ќе се продава одреден производ следниот месец, AI модел може да анализира повеќегодишни податоци за продажба, сезонски трендови, пребарувања, па дури и надворешни фактори како празници или временска прогноза, и да даде прецизна прогноза.
Резултатот? Подобро планирање на залихи и набавки. Трговците знаат точно кога ќе порасне или ќе опадне побарувачката и можат навремено да реагираат.
Препораки на производи и „паметна“ продажба
Системот за препораки е највидливата примена на AI со која купувачите најчесто се среќаваат. Секој пат кога онлајн продавницата ви нуди сегмент „Слични производи“ или „Купувачи што го прегледаа овој артикл, исто така купија…“ зад тоа стои алгоритам на вештачка интелигенција.
Овие алгоритми анализираат обрасци на купување и прегледување за да поврзат производи кои „одат заедно“ или да предвидат што би сакал конкретниот купувач, врз основа на неговото однесување.
На пример, купувате мобилен телефон веднаш добивате предлог за футрола или безжични слушалки што се совпаѓаат со тој модел. Ова не е случајно туку софистицирана техника на “smart selling”.
Овие предиктивни системи носат мерливи резултати: зголемување на просечната вредност на кошничката и поголем обем на продажба. Познатиот пример е Amazon, чиј алгоритам за препораки носи до 35% од вкупната продажба на компанијата. Иако ефектот кај помалите компании можеби не е толку драстичен, добро пласирана препорака секогаш може да мотивира дополнителна куповка.
Стратешки пристап и деловни придобивки од AI решенија
Имплементацијата на AI во е-комерц не е само технолошка иновација туку стратешка неопходност за компаниите што сакаат раст и конкурентска предност.
Клучот на успехот не лежи само во самите технологии, туку во нивно интегрирање со деловните цели. Менаџерите на средни и големи компании сè почесто пристапуваат кон AI со план. Прво ги идентификуваат процесите што ќе донесат најголем ефект (на пример, корисничка поддршка или управување со залихи), потоа ги избираат соодветните алатки и обезбедуваат нивна интеграција во постојниот систем.
Важно е и вработените да бидат вклучени во оваа транзиција, за новите технологии да бидат прифатени и оптимално искористени.
Треба да се напомени воведувањето на AI во е-комерц не е магично решение, туку процес кој бара добра подготовка и соодветни партнери. Денес постојат специјализирани AI решенија за е-комерц кои лесно се интегрираат со постојните платформи и се прилагодуваат на конкретните потреби на бизнисот.
Компаниите можат да започнат со мал пилот-проект – на пример, chatbot на веб-страницата или алгоритам за препораки – и постепено да го прошируваат опсегот на AI, како што се зголемува довербата во резултатите.
Извор: bizlife.rs
