Доколку овие трендови продолжат, научниците предвидуваат дека до 2050 година би можеле да бидат уништени дури 90 отсто од тропските корални гребени во светот. Со цел да се спротивстави на оваа криза, компанијата Huawei, на површина од 2.000 хектари на источниот брег на Маурициус, започна проект за одгледување 25.000 корални фрагменти со помош на вештачка интелигенција за обновување на кластер од гребени.
Клучната иновација на овој проект, кој настана преку партнерство на Huawei и EcoMode Society, лежи во следењето на податоците во реално време за екосистемот на коралните гребени на морското дно. На површината на морето се поставени пловечки панели со соларна енергија, додека подводните сензори на различни длабочини собираат информации за околината – временските услови, квалитетот на водата, хранливите материи, како и дистрибуцијата на популацијата и однесувањето на морскиот свет. Покрај тоа, платформите се опремени со површинска и подводна опрема за видео и аудио снимање, вклучително и камери со специјални леќи кои овозможуваат следење на растот и опстанокот на коралните фрагменти, како и интеракциите со биодиверзитетот.
Во текот на изминатите три години, ова партнерство ја покажа ефективноста на технолошките решенија и нивниот потенцијал за успех во зачувувањето на клучните видови во заштитените подрачја низ Азија, Африка, Латинска Америка и Европа. Токму ова искуство докажува дека технолошките иновации се моќна алатка која му помага на човештвото да го зачува, заштити и обнови природниот свет.
