Сето ова доведе до прилично сериозна истрага од страна на американските новинари. Дали e-mail newsletter-от е иднината? Дали поткастите ќе ги спасат вестите? Дали сега сè треба да биде во форма на кратко вертикално видео? Па, еве едно прашање, кое можеби дојде време да го поставите: Што е со LinkedIn?
LinkedIn никогаш не била особено секси онлајн платформа, пишува Fast Company. Платформата моментално има околу една милијарда корисници во стотици земји. Но, не е баш јасно колку од нив активно ја користат секој ден за читање и споделување содржина. Портпаролот на LinkedIn рече дека повеќе од 100 милиони членови комуницираат со содржината во нивниот feed секоја недела.
Кога корисниците создаваат јавна содржина во feed-от, таа, исто така, има тенденција да биде малку поинаква од она што може да го видите кога ќе отворите, да речеме, X или Threads. Сметката на LinkedIn е поврзана со вашата работна историја и веројатно со вашиот вистински идентитет.
На луѓето им се сервираат вести на LinkedIn
Според истражувањето на Pew објавено минатиот ноември, нешто помалку од една четвртина од корисниците на LinkedIn велат дека добиваат вести на сајтот. Според истото истражување, корисниците на вести на LinkedIn се прилично рамномерно поделени помеѓу мажи и жени, претежно се либерални, а речиси 70 отсто од нив се помлади од 49 години.
Ако се обидете да ги погледнете највлијателните луѓе на LinkedIn, таму ќе ги најдете: Бил Гејтс, Ричард Бренсон, Гери Вајнерчук. И иако тие можеби споделуваат содржина и имаат милиони следбеници, тоа не е баш новинарство. Вајнерчук особено води во објавите, но она за што тој навистина зборува е за себе. Иако, неговото ново шоу за дегустација на вино е прилично забавно.
Ако сакате да видите добар пример за тоа како една објава станува вирална на LinkedIn во секое време, видеото што еден менаџер за производи во Мадрид го објави „експлодира“ на LinkedIn. Во основа, тоа е видео резиме. Коментарите подолу се претежно позитивни.
Сепак, да се биде онлајн платформа на која издавачите би можеле да се потпрат, бара многу повеќе од споделување линкови од влијателни луѓе. Се чини дека LinkedIn е навистина посветена на оваа област. Барем повеќе од другите платформи.
Сајтот им обезбедува на новинарите исклучително моќна новинарска алатка повеќе од една деценија. Исто така, во последните неколку години тие лансираа мрежа на поткасти, производ на native newsletter и алатка за премиум претплата. Портпаролот на LinkedIn рече дека тие работат директно со повеќе од 400 издавачи и дека овие издавачи имаат стекнато вкупно 240 милиони следбеници. Овој вид на поддршка не е навистина нов.
Се разбира, многу платформи сега имаат некоја верзија на овие функции. Но, дали се тие доволни за да ги претворат корисниците на LinkedIn во вистинска публика?
Извор: Freepik
Новинарски искуства
Така мисли новинарот Алекс Кантровиц. На многу начини, Кантровиц е совршен кандидат да процени дали социјалната мрежа моментално е соодветен дом за онлајн новинарството. Тој беше еден од новинарите кои го измислија терминот „LinkedIn broetry“ уште во 2017 година. Оттогаш, тој ја започна својата сопствена публикација Substack наречена Big Technology, а пред две години почна да работи со LinkedIn на неговиот поткаст Big Technology.
„Поткастот тројно се зголеми за две години“, рече тој.
Кантровиц додаде дека едно од најголемите изненадувања е дека корисниците на LinkedIn се попријатни во споредба со луѓето на другите платформи.
„Тие сфаќаат дека сè што ќе напишат таму ќе го видат сите оние со кои работат или оние кои потенцијално ќе ги вработат. Така што коментарите обично се поконструктивни отколку на другите социјални мрежи“, истакна тој.
Сепак, неговиот поткаст не се дистрибуира на LinkedIn. Го објавува Megaphone и го поддржува огласната мрежа на LinkedIn. Но, работејќи со LinkedIn, тој исто така го зголеми своето присуство на платформата.
„Мислам дека од околу 4.000-5.000 следбеници на LinkedIn стигнав до бројка од 20.000 откако почнав да работам со поткастот“, објасни тој.
И токму овој вид на раст почнува да ја прави LinkedIn остварлива замена за омилената социјална мрежа во светот на новинарството – Twitter или Facebook.
Извор: Freepik
Што е интересно на LinkedIn?
LinkedIn е по дефиниција професионална мрежа. И покрај тоа што компанијата воведе функции за забава, како што се вертикалните видеа, тоа не се менува. Исто така, додека корисниците споделуваат написи од големи издавачи, написите кои најдобро функционираат на страницата имаат тенденција да бидат чисто деловни.
Кајли Шулц, уредничката на социјалните мрежи на The Washington Post, рече дека нејзиниот тим почнал посериозно да го сфаќа LinkedIn како извор на сообраќај во последните месеци. Весникот лансираше newsletter на платформата Post Grad, која има четири милиони читатели.
Меинстрим содржина
Според Шулц, поентата да се најде нов дом за вести не е да се пронајде feed каде што можете да ги ставите вашите приказни и да очекувате луѓето без размислување да кликнат. И ако издавачите мислат дека LinkedIn е местото каде што стратегијата конечно ќе функционира, тие се во голема грешка.
„Луѓето ќе го исклучат и ќе одат на друго место“, изјави таа.
Шулц, исто така, тврди дека кога почнала да ја користи социјалната мрежа, сè повеќе се прашувала дали е таа навистина поразлична отколку што нејзината репутација ги наведува луѓето да веруваат. Таа истакна дека идејата дека корисниците на LinkedIn сакаат да читаат само за деловни содржини е малку самоисполнувачко пророштво.
Извор: Freepik
И како што сè повеќе издавачи почнуваат да го користат сајтот поконзистентно, тоа би можело да се промени. Всушност, аналитичарот за социјални медиуми Мет Наваро рече дека не е невозможно да се замисли LinkedIn да еволуира во социјална мрежа со содржина која е повеќе меинстрим, бидејќи станува дестинација за вести.
„Таа е многу повеќе како традиционална социјална мрежа каде луѓето споделуваат вести, мемиња и смешни работи“, рече тој.
Тој додаде дека неговата лична употреба на LinkedIn оди во фази, но денес не е невообичаено да таму се види речиси истата содржина што ја гледате на сајтови како X и Threads, само со малку поучтиви одговори одоздола. И како Кантровиц, тој мисли дека недостатокот на токсичност е причината зошто вестите таму повеќе напредуваат.
