Индустријата за видео игри се соочува со потенцијален преседан – „Grand Theft Auto 6“ би можела да стане првата AAA игра што ќе се продава по цена од дури 100 долари. Според аналитичарот Мајкл Пактер, издавачот на играта Take-Two Interactive размикслува за зголемување на стандардната цена на игрите од досегашните 70 долари на дури 100 долари за најновото продолжение на култниот серијал. Оваа вест предизвика лавина коментари меѓу гејмерите ширум светот, при што многумина изразуваат загриженост дека ваквиот тренд би можел да стане ново правило во индустријата. GTA серијалот е познат по својата масовна популарност, а со хајпот околу шестиот дел, се шпекулира дека компанијата ќе се обиде да го максимизира профитот уште пред официјалното излегување на играта.