Оваа необична, но трогателна вест ја сподели на LinkedIn коосновачот на компанијата, Рахул Арепака, кој објасни дека Денвер е задолжен за кревање на моралот, ширење радост и, не помалку важно, воведување на официјална pet-friendly политика во компанијата.
Harvesting Robotics развива иновативна технологија за еколошко уништување на плевел со помош на ласери, но очигледно не заборава што е навистина важно во секое работно опкружување – добра атмосфера, позитивна енергија и среќен тим.
Денвер уште од првиот ден стана миленик на сите – ги пречекува колегите на влезот, присуствува на состаноци (удобно сместен под маса, се разбира), и редовно носи насмевки на лицата на сите во тимот.
Извор: freepik
Овој потег предизвика лавина позитивни коментари на мрежите, а луѓе од целиот свет ја поздравија идејата дека работната средина треба да биде помалку стресна, а многу повеќе човечна… или во овој случај – кучињаста.
Се повеќе компании ширум светот воведуваат функција Chief Happiness Officer, било како лице или – како во случајот со Денвер – четириножен пријател. Иако на прв поглед звучи како шега, станува збор за сериозен тренд што покажува колку е важна емоционалната благосостојба на вработените во современото работење.
Извор: bizlife.rs
