Perplexity во AI трката
Perplexity е најпознат по својот AI пребарувач кој на корисниците им нуди концизни одговори и линкови до изворните материјали. Минатиот месец, компанијата го лансираше и својот прелистувач заснован на AI технологија, под името Comet.
Стартапот моментално се натпреварува за водечка позиција во областа на генеративната вештачка интелигенција, заедно со конкуренти како Meta и OpenAI, кои нудат високи плати и бонуси за врвни инженери. Големите технолошки компании вложуваат десетици милијарди долари годишно во AI инфраструктура, додека стартапите собираат милијарди од инвеститори и фондови за да го финансираат потребниот хардвер и вработувања.
Почетокот на оваа година, Perplexity била контактирана од Meta во врска со потенцијално преземање, но договор не бил постигнат
Google мора да го продаде Chrome
Понудата на Perplexity доаѓа по предлогот на американското Министерство за правда Google да го продаде Chrome, како дел од пресудата дека компанијата имала незаконски монопол на пазарот за интернет-пребарување. Судот утврди дека Google со своите практики ја нарушил конкуренцијата.
Google одговори дека Министерството за правда спроведува „радикална интервенционистичка агенда“ и дека предлогот е „преголем“. Компанијата сè уште нема објавено како ќе го прилагоди своето работење по антимонополската пресуда.
Chrome, лансиран во 2008 година, на Google му обезбедува податоци кои ги користи за таргетирање реклами. Министерството смета дека продажбата на Chrome би создала поправедни услови за конкурентите на пазарот на пребарување.
„За да се поправи оваа штета, предложената пресуда му наложува на Google да го продаде Chrome, со што трајно ќе се прекине контролата на Google врз овој клучен пристапен пункт за пребарување и ќе им се овозможи на ривалите пристап до прелистувач кој за многу корисници претставува главна врата кон интернетот,“ се наведува во документот на Министерството за правда.
Ова не е првпат Perplexity да има големи амбиции, во јануари компанијата предложи спојување со TikTok, чија иднина во САД е неизвесна уште од 2024 година, кога беше донесен закон со кој платформата ќе биде забранета доколку нејзиниот кинески сопственик ByteDance не го продаде својот удел. Сепак, до август 2025 година, тој договор не беше реализиран
Извор: web-mind.rs
