По разговорот со публиката, следуваше проекција на ексклузивни сцени од филмот за фановите. Главниот град на најсеверната држава во Латинска Америка беше првата станица од турнејата, која ќе продолжи во Токио, Сеул и Шангај, по што следуваат светската премиера во Њујорк и европската премиера во Лондон.
Останува уште еден месец до почетокот на прикажувањето во интернационалните кина.
Дваесет години откако ги остварија впечатливите главни улоги на Миранда, Енди, Емили и Најџел, кои веродостојно ги претставија Мерил Стрип, Ен Хатавеј, Емили Блант и Стенли Тучи, овој април ќе го гледаме нивното враќање таму каде што беа претходно. Модните улици на Њујорк, како и елегантната канцеларија на магазинот „Писта“, во која сè уште „владее“ неприкосновената Миранда Присли, е јадрото на обединувањето на омилените ликови со нов тек на настаните.
Првиот дел од филмот од 2006 година стана светски феномен кој одбележа многу генерации. Две децении подоцна, потпирајќи се на оригиналното сценарио, уредничката на модниот списание е повторно во центарот на збиднувањата, овој пат со посериозни деловни проблеми.
Додека се обидува да се снајде во светот во кој печатеното новинарство изумира, Миранда Присли се соочува со својата стара асистентка Емили Чарлтон (ја игра Емили Блант), која стана влијателен раководител во луксузна бизнис група за огласување. На Присли очајно ѝ се потребни пари, но ѝ е потребен и уште некој.
Покрај оригиналната главна постава, заедно со режисерот Дејвид Френкел и сценаристката Алин Брош Мекен, авторите во продолжението воведуваат и целосно нова екипа која ќе ги отелотвори новите ликови. Тука се Кенет Брана, Симон Ешли, Луси Лу, Џастин Теру и други.
Извор: bizlife.rs
