Новата виза е дел од иницијативата Година на одржливост и има за цел да привлече глобални експерти во Емиратите, од еколози и климатски активисти, до научници, иноватори и лидери на невладиниот сектор со цел да придонесат во развојот на еколошки одговорни решенија и меѓународни цели за борба против климатските промени.
Министерот за внатрешни работи на ОАЕ, генерал-потполковник шеик Сеиф бин Зајед Ал Нахјан, ја најави оваа мерка како „клучен чекор во позиционирањето на Емиратите како меѓународен инкубатор на зелени идеи и одржливи решенија“.
Кандидати кои можат да аплицираат за Blue Residency визата се:
-Истражувачи во областа на климатските науки
-Основачи и директори на одржливи стартапи
-Лидери на меѓународни еколошки невладини организации
-Добитници на награди во областа на екологијата
-Активисти и автори што промовираат ESG вредности
Процесот на аплицирање ќе биде отворен и за странски државјани, а номинациите ќе можат да ги поднесуваат државни институции, универзитети и меѓународни организации. Визата не само што овозможува легален престој и работа, туку нуди и пристап до владини програми за поддршка, како и до фондови за иновации.
Извор: odrzime.rs
