„Мал дел оди кај децата, нешто малку задржувам за лични потреби. Дури и заработката од моите климатски инвестиции оди во фондацијата“, изјави Гејтс за Associated Press.
Некогаш најбогатиот човек во светот, денес има нешто повеќе од 100 милијарди долари надвор од фондацијата. Вели дека се надева некој да го надмине – по висината на даноци што ги плаќа, бројот на спасени животи, донации и паметни решенија.
„Не сакам фондацијата да постои засекогаш. За 20 години сакаме да дадеме сè и да постигнеме што поголемо влијание. Одредени болести, како маларија и детска парализа, до тогаш не треба веќе да постојат“, изјави Гејтс.
Фондацијата на Бил и Мелинда Гејтс, основана заедно со неговата поранешна сопруга, е фокусирана на борбата против болести, сиромаштија и подобрување на образованието. Сепак, Гејтс предупредува дека дарежливоста на донаторите е намалена во последните години, поради економската несигурност, трошоците за помош на Украина и стареењето на населението.
„Би сакал повеќе луѓе да го преиспитуваат нашето работење. Каде се предлозите? Што би направиле другите за да ја спречат неухранетоста, за да ги спасат животите на децата и мајките?“ – прашува Гејтс.
Освен што и понатаму вложува во борбата против ХИВ и комарци што пренесуваат болести, вели дека нема намера да се откаже:
„Нашата мисија е да спасуваме животи. Ако некој има други приоритети – тоа е во ред. Јас останувам.“
Извор – bizlife.rs
