Со овој потег, Duolingo го удвои бројот на достапни курсеви, а според порталот TechCrunch, компанијата се соочува со критики од корисниците поради најавата дека ќе замени многу хонорарни соработници со вештачка интелигенција.
Од компанијата соопштија дека ваквиот напредок не би бил можен без инвестициите во вештачка интелигенција и автоматизација, кои овозможуваат создавање на содржини со голема брзина и според високи стандарди за квалитет.
„Развојот на нашите први 100 курсеви траеше околу 12 години, а сега, за отприлика една година, успеавме да создадеме и лансираме речиси 150 нови курсеви. Ова е одличен пример за тоа како генеративната вештачка интелигенција може директно да им користи на нашите корисници“, се вели на веб-страницата на компанијата.
Duolingo е американска компанија од областа на едукативната технологија која развива апликации за учење и издава сертификати за познавање јазици. Компанијата нуди курсеви по дури 43 јазици, вклучувајќи ги и најпопуларните, како што се англискиот, францускиот и шпанскиот.
Извор: bizlife.rs
