Она што до вчера беше само статична уметност, сега станува динамична содржина и тоа не генерирана со текст, туку со слика. Корисниците можат да внесат било која фотографија (вклучувајќи и слики претходно направени во Midjourney) и да добијат четири верзии на AI генерирано видео во траење од пет секунди. Може да се избере степенот на движење. од суптилно до изразенo, а видеата може дополнително да се продолжат до максимум 21 секунда.
V1 моментално е достапен преку Discord серверот и веб-платформата на Midjourney, и функционира преку систем на токени.
Цената? Прилично транспарентна: креирањето видео троши осум пати повеќе кредити отколку генерирањето статика. Основниот месечен пакет започнува од 10 долари, додека „Pro“ и „Mega“ плановите нудат поголема флексибилност и можност за користење на серверот во „relax“ режим.
Следниот чекор: свет во реално време
За основачот на компанијата, Дејвид Холц, видеото е само почеток. Целта не е да се создаде уште една алатка за TikTok филтри или рекламни B-roll клипови, туку постепено да се изгради сопствен дигитален универзум. Визијата оди вака: прво слики, потоа видео, па 3D-простори, а на крајот, светови што се генерираат во реално време. Во тој контекст, V1 е прототип не само за нов креативен алат, туку и за следната фаза на дигиталната реалност, објави TechCrunch.
Уметност или правна сива зона?
Лансирањето доаѓа само една недела по тужбите што ги поднесоа Disney и Universal против неколку AI компании за повреда на авторски права. Midjourney не е директно споменат во таа рунда, но со оглед на неговата моќ и пазарно влијание, прашање е на време.
Правната неизвесност не ги обесхрабрува ентузијастите. Reddit форумите и Discord заедницата веќе споделуваат видео експерименти: лебдечки градови, сонишни шуми, ретро футуризам сè во препознатливиот „Midjourney стил“ визуелно импресивно, но сè уште повеќе уметничко отколку фотореалистично.
Конкуренцијата веќе се загрева
На пазарот веќе има сериозни ривали: OpenAI Sora, Runway Gen-4, Google Veo и Pika. Но додека тие повеќе се стремат кон хиперреализам, Midjourney останува доследен на својата естетика визуелната поезија на вештачката интелигенција, сега во движење.
Извор: webmind.rs
