Податоците на Sensor Tower од февруари покажаа дека X има 27 милиони дневни активни корисници на американската мобилна апликација, што е за речиси 20 отсто помалку од минатата година.Во споредба со конкурентите како што се Snapchat, Instagram, Facebook и TikTok, X се соочи со „најголем пад на активни корисници“, напиша Аб Јусеф, висок аналитичар во Sensor Tower.
Бројот на преземања на апликациите е ограничена метрика, но може да се гледа како начин да се разбере способноста на компанијата да привлече нови корисници, според Apptopia.
Минатата недела, X Data објави дека 1,7 милиони луѓе се приклучуваат на платформата секој ден. Сепак, податоците од Appfigures покажуваат дека преземањата заостануваат зад новите понуди на пазарот. На пример, на 25 февруари, Threads имаше повеќе од двојно повеќе преземања на iOS и Google Play во споредба со X, известува TechCrunch.
X не привлекува ни голем број креатори
Платформата исто така се бори да привлече креатори, според новиот извештај на Wall Street Journal.
Иако X лансираше програма за споделување приходи од реклами минатата година за да привлече оригинални креатори на содржина на платформата, анкетите и интервјуата спроведени од Wall Street Journal сугерираат дека компанијата заостанува зад конкурентите YouTube и Instagram. Некои креатори се претпазливи за состојбата на рекламниот бизнис на X, а други доживеале неконзистентни плаќања.
X треба „да почне да ни го покажува патот за градење бизниси на платформата“, рече Самир Чаудри во подкастот.
Гигантот објави дека платформата исплатила повеќе од 45 милиони долари на повеќе од 150.000 креатори за седум месеци и дека компанијата плаќа на секои две недели, пишува Entrepreneur.
Прегледот на тие бројки покажува дека креаторите, кои биле платени, добивале во просек 300 долари во текот на седум месеци, или околу 42 долари месечно. Според ZipRecruiter, просечната плата за канал на YouTube во САД е околу 5.726 долари месечно.
