Покрај претставувањето на платформата, овој настан беше можност за средба на некои од водечките експерти од креативните индустрии од регионот и Европа, со заедничка цел да истражат нови начини за соработка, раст и одржливост во својот сектор.
За Западен Балкан како иден глобален центар на креативноста, за иднината на креативните индустрии, како и за креативните начини на користење на автентичниот идентитет за создавање уникатни искуства, говореа, меѓу другите, Џон Зеф, водечки советник на Советот за креативни индустрии во Обединетото Кралство, Мајкл Кил, генерален директор на британската Асоцијација за индустрија за ноќен живот, Душан Ковачевиќ, извршен директор и основач на фестивалот EXIT, Јован Марјановиќ, директор на Сараевскиот филмски фестивал, Ендру Блекет, програмски директор на Fabric London, Хилари Најт, консултант за културни и креативни индустрии, Тихомир Бајиќ, основач на XQ & FQV VC фондот и Саманта Матис, експерт во индустријата за угостителство и ноќен живот. Учесниците имаа единствена можност да дознаат како „Creative Gate“ може да придонесе за нивниот професионален развој и подобро поврзување со сите домени на културните и креативните индустрии.
Платформата „Creative Gate“ е дел од проектот „Култура и креативност за Западен Балкан“ (CC4WBs) кој е финансиран од Европската Унија, со цел зајакнување на културниот и креативниот сектор во регионот преку подобрување на дијалогот и социо-економското влијание. Проектот го имплементираат UNESCO, Британскиот совет и Италијанската агенција за развој (AICS), кои работат на создавање одржлива и инклузивна креативна средина, препознавајќи ја важноста на културното наследство и иновациите за регионална соработка.
Креативните индустрии во Србија сочинуваат 7,4% од бруто домашниот производ (БДП) и растат побрзо од останатиот дел на економијата. Овој сектор опфаќа над 70.000 компании кои вработуваат околу 127.000 луѓе, од кои скоро 70% се на возраст од 25 до 44 години од кои половината имаат завршено високо образование, а жените се значително застапени. Исто така, креативните индустрии придонесуваат за извозот, особено во IT секторот и филмската индустрија.
Оваа платформа, креирана во соработка со фестивалот Таксират, претставува место за средба и поддршка на актерите од културните и креативните индустрии на Западен Балкан, овозможувајќи им поголема видливост, полесно вмрежување и можности за подобрување на бизнисот.
Целата агенда за настанот Western Balkans Creative Day, вклучувајќи ги насловите на панелите и распоредот, можете да ја преземете на следниот линк.
