Земајќи ги предвид овие отпуштања, можеме да го разбереме влијанието на иновациите во големите и малите компании, како и потенцијалното влијание врз бизнисите кои ја прифаќаат вештачката интелигенција и автоматизацијата за работни места кои претходно се сметаа за сигурни. Исто така, ова е и потсетник за човечкото влијание врз отпуштањата, како и за што сé може да биде ставено на коцка поради зголемување на иновациите, пишува TechCrunch.
Ова е листата на порталот TechCrunch за 2024 година: јануари 19.350, февруари 15.589, март 7.403, април 22.153, додека во мај отпуштени биле 9.882 вработени.
- Microsoft – Наводно стотици вработени кои работат на Azure cloud се отпуштени, иако точниот број на афектирани вработени засега не е познат.
- OrCam – Отпуштија 100 вработени, неколку месеци откако го намалија бројот на вработени за 50.
- Google – Наводно, се случуваат бројни отпуштања ширум светот во неколку негови Cloud тимови, вклучително и тимови фокусирани на одржливост, советување и инженеринг партнери.
- Tropic – Отпуштени се 40 вработени, како дел од напорите за преструктуирање, напиша извршниот директор Дејвид Кембел во објава на LinkedIn.
- Gro Intelligence – Прекинува со своето работење, откако во март отпушти 60% од работниците во обид компанијата да остане во живот.
- Jasper Health – Отпушти голем дел од својата работна сила, дознава TechCrunch. Одделите за инженерство и дизајн на производи се најпогодени од отпуштањата во овој старт-ап за грижа на заболени од канцер.
- Circium – 37 технолошки работници се отпуштени од FlightStats, стартап-от за следење на летови што Circum го аквизираа во 2016 година, при што планираат да ги консолидираат нивните операции во Индија и Велика Британија.
- Walnut – Доделија откази на 15 вработени со што беа погодени 20% од вкупната работна сила на овој израелски старт-ап.
- Fisker – Отпуштија стотици вработени во обид да се спаси стартап-от за електрични возила. Еден сегашен и еден поранешен вработен ексклузивно за TechCrunch изјавија дека во компанијата останале околу 150 луѓе.
- Cue Health – Го суспендира работењето и го отпушта остатокот од својот персонал. Компанијата за COVID-19 тестови претходно месецов отпушти половина од својата работна сила за да ги намали трошоците.
- Foursquare – Отпуштија 105 вработени додека компанијата бара начини да ги „стримлајнува“ своите операции, се вели во е-пошта до вработените од сегашниот извршен директор Гери Литл.
- Lucid Motors – Отпуштија околу 400 вработени, што е приближно 6% од работната сила на компанијата, како дел од преструктуирањето пред да го лансираат својот прв електричен SUV подоцна годинава.
- TikTok – Наводно, се случуваат големи отпуштања во нивните тимови за глобални операции и маркетинг. Засега не е познат бројот на погодените вработени.
- Pixar – Се очекува да отпуштат 14% од својот персонал, што ќе погоди 175 вработени, додека компанијата го пренасочува својот фокус од оригиналните Дизни+ програми, назад кон филмовите.
- Replit – Отпуштија 20% од својот персонал, додека стартап-от за кодирање се фокусира на продажба на претпријатија.
- SeekOut – Отпуштија околу 30% од вкупната работна сила. Стартап-от за регрутирање, кој користи вештачка интелигенција за пронаоѓање на кандидати, последен пат беше проценет на повеќе од 1,2 милијарди долари во јануари 2022 година.
- Gopuff – Го намалија бројот на својот персонал за 6% во новата рунда на отпуштања, бидејќи овој старт-ап за брза испорака се обидува да стане профитабилен до крајот на 2024 година.
- Atmosphere – Планираат да отпуштат 106 вработени, според известувањето WARN поднесено во Тексас.
- Mainvest – Го прекинаа работењето. Засега не е познат бројот на погодените вработени.
- Indeed – Отпуштија приближно 1000 работници, што претставува 8% од работната сила на компанијата, напиша извршниот директор Крис Хајмс во писмо до вработените.
- Motional – Отпуштија околу 40% од својата работна сила, со што беа погодени околу 550 вработени, изјавија извори за TechCrunch. Компанијата ја напушти и главниот извршен директор Абе Габра.
- Google – Отпуштија 57 позиции во Сан Франциско, според известувањето WARN поднесено во Калифорнија.
- Vacasa – 800 доделени откази што претставува 13% од работната сила, како дел од напорите за преструктуирање.
- Brilliant – За The Verge, од компанијата изјавија дека го отпуштија поголемиот дел од својот персонал и повеќе не продаваат контролори за паметни домови.
- Enovix – Отпуштија приближно 170 работници, што сочинува една третина од вкупната работна сила, во обид да се намалат годишните оперативни трошоци.