Овие промени би значеле дека Google -пребарувачот ќе стане строго регулиран и надгледуван од истиот федерален суд во Вашингтон кој пресуди дека компанијата поседува незаконски монопол во онлајн-пребарувањето и маркетингот.
Google контролира околу 90 проценти од пазарот за онлајн-пребарувања.
„Незаконското однесување на Google ги лиши ривалите од клучни канали за дистрибуција, како и од партнери кои би можеле да овозможат конкуренцијата да влезе на пазарот на нови и иновативни начини“, соопшти американското Министерство за правда.
Судските документи поднесени минатата недела го прошируваат претходниот предлог за тоа како американските институции планираат да го прекинат монополот на Google. Компанијата го нарече предлогот радикален и предупреди дека тој би можел да им наштети на потрошувачите и на компаниите, како и да ја наруши американската конкурентност во областа на вештачката интелигенција.
Извор: BetaAP
Сеопфатни мерки против монополот
Барањата на Министерството за правда се обемни и вклучуваат петгодишна забрана за Google повторно да влезе на пазарот на прелистувачи. Покрај тоа, се инсистира и на продажба на оперативниот систем Android, доколку сите други мерки не успеат да ја вратат слободната конкуренција.
Google чека промена на администрацијата?
Министерството, исто така, побара забрана за Google да купува или инвестира во било кој друг моментален конкурент во полето на пребарување, одредени производи со вештачка интелигенција или технологии за онлајн-огласување.
Едно од главните барања е судијата Амит Мехта да ги укине ексклузивните договори со кои Google плаќа милијарди долари на „Apple“ и други производители на уреди за да ја постават Google -пребарувачот како стандардна („default“) опција на нивните телефони и таблети.
Google ќе има шанса да ги претстави своите предлози во декември
Судењето е закажано да започне во април, но идната администрација на Доналд Трамп и новиот антимонополски лидер во Министерството за правда би можеле да го сменат текот на овој случај.
Извор: Bizlife.rs
