Дигиталната изложба на Архивата на Стив Џобс вклучува снимка од говорот што Џобс го одржал во 1983 година на Меѓународната конференција за дизајн во Аспен. Во тој говор, основачот на Apple зборува за потенцијалот на новата технологија која би можела да одговара на прашања и да размислува како човек. Според него, таа технологија е природен наследник на книгата.
Стив Џобс и визијата за иднината
Книгите што Џобс ги открил за време на неговите училишни денови, вели тој, биле „феноменална работа. Информациите одат директно од изворот до дестинацијата, без никакви посредници“.
Проблемот е што немаше начин да комуницирате со нив. Без разлика дали го читал Платон, Аристотел или кој било друг автор, на Џобс не му се допаднало тоа што не можел да застане и да му постави прашање на текстот. Неговата визија за иднината била следнава: „Мислам дека ако гледаме 50 до 100 години напред, ако навистина можеме да ги создадеме овие машини кои можат да го доловат суштинскиот дух, основниот сет на принципи или основниот начин на гледање на светот, тогаш кога ќе дојде следниот Аристотел, можеби тој или таа, ќе носи со себе една од овие машини каде ќе ги впишува сите свои мисли. Можеби еден ден, кога таа личност повеќе ќе ја нема, ќе можеме да ја прашаме оваа машина: „Еј, што би рекол Аристотел за ова?“
Поминаа нешто повеќе од 40 години од говорот на Џобс и се чини дека светот брзо се движи кон остварување на неговата визија. Компаниите за вештачка интелигенција тренираат чет-ботови како ChatGPT користејќи податоци од книги и други извори за да одговорат на прашањата на корисниците. Некои од нив дури можат да одговараат на прашања како да се познати историски личности. Понекогаш даваат точни информации, понекогаш не, исто како што предвидел Џобс, но несомнено се нов начин за интеракција со луѓето, идеите и историјата.
Извор: Web-mind.rs
