Еден 15-минутен гласовен разговор со чет-бот месечно е бесплатен во САД, соопшти OpenAI.
Корисниците надвор од САД, пак, можат да испраќаат пораки до ChatGPT преку WhatsApp.
„Бројот 1-800-ChatGPT е експериментално лансиран за да се овозможи поширок пристап до ChatGPT,“ изјавија од компанијата.
Алатката за генеративна вештачка интелигенција бележи брз раст од своето лансирање во 2022 година, надминувајќи 200 милиони неделни корисници во август.
Ова не е единствената новост на WhatsApp овие денови. Апликацијата најави ново ажурирање кое донесува функција за потсетници за непрочитани пораки.
Претходно, апликацијата испраќаше потсетници само за ажурирање на статуси од одредени контакти, најчесто од оние со кои најмногу комуницирате.
Со новото ажурирање, WhatsApp ја проширува оваа функција за да ги потсети корисниците на непрочитани пораки од контакти. Функцијата моментално е во фаза на тестирање.
Овие потсетници се испраќаат за пораки од лица со кои најчесто разговарате. Ако оставите непрочитана порака, WhatsApp ќе ве извести за тоа за да не заборавите да одговорите. Апликацијата користи алгоритам за избор на овие контакти врз основа на тоа колку често комуницирате со нив, пренесува Курир.
Извор: Bizlife.rs
