Објавувајќи ја стратегијата за претворање на Европа во „континент на вештачка интелигенција“, потпретседателката на Европската комисија, Хена Виркунeн, изјави дека целта на овој план е Европа да стане поконкурентна, побезбедна и технолошки суверена.
ЕУ веќе започна со реализација на планот за изградба на 13 фабрики за вештачка интелигенција – локации со суперкомпјутери и дата-центри каде што истражувачи развиваат и тестираат модели на вештачка интелигенција.
Новите мегафабрики за вештачка интелигенција, чиешто градење се планира во рамки на програмата вредна 20 милијарди евра, би биле значително поголеми, насочени кон она што Европската комисија го означува како клучни иновации во здравството, биотехнологијата, индустријата, роботиката и научните откритија.
Додека најефикасните фабрики за вештачка интелигенција денес имаат суперкомпјутери со до 25.000 напредни ВИ процесори, мегафабриките би имале над 100.000 ВИ процесори.
Според претпоставките на официјалните лица од ЕУ, ќе бидат изградени три до пет мегафабрики за вештачка интелигенција во рамки на ЕУ, при што секоја од нив би чинела од три до пет милијарди евра.
Извор: Web-mind.rs
