Во неодамнешниот документ за поддршка, Apple наведува дека ставањето влажни уреди во ориз може „да дозволи малите честички од ориз да го оштетат вашиот iPhone“. Компанијата, исто така, препорача да не се обидувате со други познати методи, како што е користење на надворешен извор на топлина, како фенот, за да се исуши телефонот или памучно бришење на конекторот.
Предупредувањето на компанијата за оризот се совпаѓа со она на другите експерти за поправка, кои открија дека користењето ориз функционира побавно отколку едноставно да го оставите вашиот iPhone да се исуши. Времето е од суштинско значење во овие ситуации, бидејќи најважно е да се спречи водата да ја оштети електрониката во телефонот, пишува Gizmodo.
Наместо да прибегнуваат кон ориз, Apple на корисниците им нуди алтернативно решение. Ако вашиот iPhone или конекторот за полнење е влажен, Apple го препорачува следново:
- Исклучете го кабелот од вашиот iPhone и исклучете го другиот крај od кабелот од адаптерот за напојување или додатокот;
- Не приклучувајте го повторно кабелот сè додека вашиот iPhone и кабелот не се исушат целосно;
- Нежно свртете го вашиот iPhone со конекторот свртен надолу за да се отстрани вишокот течност.
- Оставете го вашиот iPhone на суво место;
- По најмалку 30 минути, обидете се да го полните телефонот со Lightning или USB-C кабел или да поврзете дополнителна опрема;
- Ако сè уште има течност во конекторот или под игличките на вашиот кабел, оставете го вашиот iPhone на суво место уште еден ден. Може да се обидете повторно да го полните или да поврзете додатоци во овој период. Целосното сушење може да потрае до 24 часа.
- Ако вашиот телефон се исуши, но сè уште не се полни, исклучете го кабелот од адаптерот и исклучете го адаптерот, а потоа вклучете ги повторно.
Во случај советите на Apple да не функционираат, најверојатно ви треба помош од професионални експерти за поправка и можеби ќе треба да се подготвите да купите нов iPhone. Што и да правите, не посегнувајте по ориз.
