Називот настана со спојување на зборовите nil (англиски израз за „ништо“, со потекло од латинскиот збор nihil) и милионер. За разлика од милионерите, кои располагаат со големо богатство, нилионерите имаат многу малку пари или живеат од плата до плата. Меѓутоа, поентата на овој израз не е некого да исмее, туку преку доза иронија да ја опише финансиската реалност на сè поголем број луѓе.
Младите тешко создаваат заштеди
Позади овој тренд се крие посериозна приказна. Високите цени на недвижностите, инфлацијата, студентските кредити и растот на трошоците за живот доведоа до тоа многу млади луѓе, и покрај добрите работи, тешко да создаваат заштеда. Затоа сè почесто се шегуваат дека се „нилионери“ богати со искуства, идеи и амбиции, но не и со состојба на сметката.
Интересно е што терминот не се однесува исклучиво на сиромаштија. Нилионер може да биде и некој кој штотуку ја започнал кариерата, претприемач кој ги вложил сите пари во бизнисот или личност која свесно избрала поедноставен начин на живот наместо акумулирање материјално богатство. Со други зборови, тоа повеќе опишува моментална финансиска фаза отколку траен статус.
Вредноста на човекот не е еднаква на банкарското салдо
Во време кога успехот често се мери со бројот на нули на банкарската сметка, нилионерите потсетуваат дека вредноста на човекот не е секогаш еднаква на неговото банкарско салдо. За некои тоа е преодна етапа на патот до финансиска стабилност, а за други начин да кажат дека богатството не е единственото мерило за успех.
Токму затоа овој неологизам за кратко време стана дел од интернет културата бидејќи на многумина им беше доволно духовит за да се препознаат во него, а доволно вистинит за да ги натера на размислување.
Извор: bizlife.rs
