Раст на глобалниот пазар и промена на врвот
Глобалните испораки на паметни телефони пораснале за 2 % во однос на 2024 година, што претставува втор последователен раст по периодот на пад. Главни двигатели биле зголемената побарувачка за 5G уреди, враќањето на купувачите во сегментот на премиум телефони и стабилизацијата на глобалниот синџир на снабдување.
Apple зазеде 20 % од глобалниот пазар, додека Samsung падна на второто место со околу 19 %. Третото место го зазеде Xiaomi со приближно 13 %, благодарение на растот на пазарите во развој. Овој резултат означува пресвртница, за првпат по повеќе од една деценија Apple го надмина Samsung по бројот на испорачани телефони.
iPhone 17 како клуч на успехот
Главниот двигател на успехот на Apple беше серијата iPhone 17, кој оствари исклучителни резултати и на развиените и на растечките пазари. Потрошувачите беа подготвени да ги заменат постарите уреди, особено во региони како Индија, Југоисточна Азија и Африка, каде што премиум сегментот забележа неочекуван раст, наведува Counterpoint Research.
Samsung ја задржа силната позиција во сегментите Galaxy S и A, но се соочува со сè поголема конкуренција и пад на уделот во премиум категоријата. Аналитичарите истакнуваат дека Apple својот раст го постигнал благодарение на реална побарувачка, а не на привремени пазарни околности, со што дополнително го потврдува својот статус на највреден бренд во индустријата.
Извор: web-mind.rs
