Иако многумина го опишувале како еден од најбарачките луѓе во индустријата, фактот е дека Џобс постигнал извонредни резултати. Бил познат по својот бескомпромисен и директен пристап, но светот на технологијата денес сигурно не би бил ист без него.
Неформален разговор со пиво
Како човек кој секогаш целел кон повеќе, Џобс имал необичен начин да ги пронајде вистинските луѓе за својот тим – со пиво во рака. Често ги канел кандидатите за работа во Apple на прошетка и пиво, за да создаде опуштена атмосфера и да ги поттикне да се отворат.
Целта на овие неформални разговори била да се види каков е кандидатот надвор од строго деловното опкружување. Наместо класични прашања, Џобс би поставувал едноставни или неочекувани:
– „Што правевте минатото лето?“
– „Кога последен пат постигнавте нешто важно?“
За Џобс немало точни или погрешни одговори. Целта на „тестот со пиво“ била подобро да се разбере личноста што седи пред него – дали нејзиниот став и начин на размислување се вклопуваат во културата на Apple. На крајот, не сакал во својот тим луѓе кои не се целосно компетентни или кои немаат вистински менталитет.
Во потрага по најдобрите
Џобс отворено признавал дека бара само врвни кандидати, кои ги нарекувал „A-играчи“.
„Открив дека кога ќе собереш доволно ‘A-играчи’, кога ќе поминеш низ целиот тој неверојатен процес на нивно пронаоѓање, тие навистина уживаат да работат заедно. Бидејќи никогаш претходно не ја имале таа прилика,“
изјавил Џобс.
И навистина – оваа стратегија на вработување се покажа успешна. Токму со таков тим Џобс му го претстави на светот iPod, iPhone и iPad, револуционерни уреди кои засекогаш го сменија начинот на кој живееме и работиме. Џобс почина во 2011 година од рак на панкреасот, но неговиот пристап кон луѓето и идеите остана дел од ДНК-то на Apple.
