Порано, оставањето порака значеше да напишете нешто на ливче и да го ставите под врата или да го оставите на маса. Денес, во ерата на технологијата, пораките ги испраќаме преку е-пошта, чет или дури преку системите што се дел од самите уреди што ги користиме. Сепак, интересно е колку суштината не се променила и понатаму станува збор за траг што го оставаме за некого, било тој дигитален или физички.
Пораки на матичните плочи
Замислете: пребарувате по фиока, наоѓате заборавен MP3 плеер, го отворате за да видите дали може да се искористи некој дел, а внатре минијатурен цртеж до конекторите за батерија. Тоа се т.н. „easter egg“ моменти во хардверот, скриени детали што никогаш не ги гледаме додека уредот работи, но откриваат дека неговите творци имале чувство за хумор и личен печат.
На плочите со печатени кола (PCB) може да се најдат најразлични нешта: духовити пораки, ситни карикатури, датуми што значат нешто само за дизајнерите, па дури и препратки кон поп културата. Тие се како таен јазик меѓу инженерите, наменети само за оние што се доволно храбри (или љубопитни) да ѕирнат внатре, притоа ризикувајќи гаранцијата веднаш да им стане неважечка.
Овие скриени пораки не додаваат ништо во техничките спецификации на уредот, но додаваат нешто многу повредно, човечки допир и потсетување дека зад секоја плоча, транзистор и отпорник стојат луѓе кои понекогаш сакаат да остават трага од својот дух.
Историја на матичните плочи
Зад таа наизглед едноставна постапка се крие цел технолошки апарат. Во срцето на многу компјутери и уреди се наоѓа матичната плоча своевидно „срце“ на системот. Првата комерцијална матична плоча се појавила кон крајот на седумдесеттите години, кога инженерите почнале да го интегрираат процесорот, меморијата и влезно-излезните порти на една плоча, со што компјутерите станале покомпактни и подостапни.
Од тогаш до денес, матичните плочи еволуирале од едноставни, бавни плочи со само неколку конектори, до софистицирани јазли што ги поврзуваат сите компоненти на компјутерот и овозможуваат сложени функции, од видео повици, до автоматски превод на јазици.
Извор: web-mind.rs
