Растот на мобилниот веб трае веќе осум квартали по ред – најдолг од 2016 година
Учеството на мобилните уреди во веб-сообраќајот значително се менуваше во текот на изминатата деценија. По силниот раст во 2016 година, кога кон крајот на 2017 беше достигнато ниво од речиси 53%, следуваше забавување , па така на крајот на 2018 година мобилните уреди сочинуваа 47% од вкупниот веб-сообраќај.
Во наредните три години, овие бројки се движеле нагоре-надолу, што укажуваше дека мобилното сурфање е стабилен тренд, но сѐ уште без вистински замав. Сепак, во третиот квартал од 2022 година, паметните телефони поставија нов рекорд, достигнувајќи речиси 60% од вкупниот веб-сообраќај. Иако тој процент падна на 53% во следните шест месеци, втората половина од 2023 ја означи преломната точка и почетокот на тренд што целосно ќе ја зацврсти доминацијата на паметните телефони како примарен уред за пристап до интернет.
Сѐ повеќе луѓе користат телефони за сурфање, па така учеството на мобилните уреди порасна на 59,3% во првиот квартал од 2024 година. Растот продолжи и понатаму, достигнувајќи 64,1% во вториот квартал од 2025 што претставува осум последователни квартали на раст, најдолг период без прекин од ерата на „бумот“ на смартфони во 2016 година.
Азија води пред остатокот од светот
Иако растот е глобален, постојат значајни регионални разлики и Азија убедливо предничи. Континентот е дом на некои од најмобилно ориентираните земји во светот Кина, Индија, Јужна Кореја и Индонезија, каде што широката достапност на поволни смартфони и брзите 5G мрежи го подигнаа нивото на мобилен веб-сообраќај далеку над светскиот просек.
Минатиот месец, мобилните уреди учествуваа со 71,3% од вкупниот веб-сообраќај во Азија, што е дури 7% повеќе од глобалниот просек. Мобилното користење на интернетот во овој регион е далеку повисоко отколку во двете Америки и во Европа, каде што паметните телефони генерираат околу 50% од вкупниот сообраќај.
Над 72% од мобилниот веб-сообраќај доаѓа од Android уреди
Благодарение на огромната корисничка база низ целиот свет, која дополнително се зголеми со експанзијата на кинеските производители на телефони, Android доминира во мобилниот веб-сообраќај веќе со години, оставајќи го iOS далеку зад себе.
Минатиот месец, Android уредите генерирале 72,7% од мобилниот веб-сообраќај, што е 2,7 пати повеќе од iOS. Иако тоа претставува раст од 1,2% во споредба со мај минатата година, сепак е малку под 73,5% колку што изнесуваше во декември.
Според статистиката, iOS имал удел од 26,9% минатиот месец, што е благо зголемување во однос на 26,04% на крајот од 2024. Далеку зад нив, Samsung учествувал со само 0,2%, а следат KaiOS (0,02%) и Linux (0,01%).
Повеќе инфо можете да го најдете тука: Techgaged.com
Извор – web-mind.rs
