Деинфлуенсерството е тренд каде, соодветно именуваните, деинфлуенсери, ги одвраќаат своите следбеници да купат одреден производ или услуга. Целта е да се заштедат пари и да се намали консумацијата на непотребни производи. Деинфлуенсерите исто така ги разгледуваат популарните производи и ги истакнуваат нивните недостатоци за да покажат дека тие не се толку добри како што се рекламираат.
Една од најпознатите де-инфлуенсери на TikTok е Џенифер Ванг. Инаку, како фармацевтка во болница во Торонто, Ванг користи социјални мрежи од 2015 година, а популарноста ја стекна со нејзините OOTD (облека на денот) фотографии на Инстаграм. Со текот на времето, таа почна да објавува видеа во кои го разоткрива нискиот квалитет на скапите производи.
@wangjenniferr #stitch with @Majelle stop letting companies rob you by buying acrylic knitwear ☠️ #knitwear #fastfashionfail #hmfail #viralhmdress
♬ original sound – Jennifer Wang | @wangjenniferr
„Никогаш немав намера создавањето содржини да го направам кариера и сè уште немам“, изјави таа за MoneySense. „Кога сте креатор на содржина со полно работно време, вие сте на милост и немилост на компаниите кои ви плаќаат. Ми се допаѓа што можам да бидам искрена, а понекогаш и критична без да се плашам дека некој ќе ја прекине соработката со мене“.
„Борбата против загадувањето предизвикано од текстилната индустрија е моја страст и околу тоа се врти мојата содржина“, рече Ванг. „Повеќето екологисти ја користат вината како тактика за да ги спречат и одвратат луѓето да купуваат брза модна облека, но тоа не функционира. Ако вината беше успешна тактика, сите ќе бевме вегани“.
Нејзините пријатели и следбеници се исклучително благодарни за нејзината искреност и директност, што не ја кријат во коментарите: „Толку пари ми заштедуваш“, „Оваа жена го промени начинот на кој купувам“.
Името на брендот не кажува ништо за квалитетот
Наместо нејзините следбеници да се чувствуваат виновни, таа ги советува како максимално да ја избегнуваат брзата мода или барем да препознаат поквалитетни производи во таквите продавници, бидејќи со купување квалитетни парчиња се заштедуваат пари на долг рок. Нема да траат сезона или две, туку со години.
„Разбирам дека брзата мода е единствената опција за некои луѓе, но постојат начини да се купи брза мода поодржливо. Се надевам дека гледачите ќе го применат она што го научиле, без разлика каде купуваат“.
Една од пораките што се обидува да ја пренесе е дека името на брендот не кажува ништо за квалитетот на производот. Користејќи го примерот на една марка, таа покажа како во истата продавница можеме да најдеме производ со многу добар и многу лош квалитет.
@wangjenniferr Replying to @LavenderSunshine this is why you shouldn’t assume something is good quality just because it’s from a certain brand! #fashionhacks #massimodutti #massimoduttihaul #trenchcoatoutfit #trenchcoatstyle #clothingreview #qualityclothing #qualityclothes
♬ original sound – Jennifer Wang | @wangjenniferr
„Како што ги гледаме состојките во нашата храна, треба да гледаме и на материјалите и приспособувањето на нашата облека наместо да се потпираме на името на брендот. Така, ги избегнува PU и PVC, кои често се користат за изработка на вештачка кожа, и џемпери што содржат акрил.
Трендовите во убавината се исто така цел на критика
Ванг редовно ги следи трендовите за убавина и го сподели своето негативно искуство со рускиот маникир. Со рускиот маникир на специфичен начин се отстранува кожата околу ноктите за да се прошири плочката за нокти и да се продолжи времетраењето на лакот, поради што е многу популарен, пишува Index.hr. Таа советува ова да не се прави често.
@wangjenniferr #stitch with @Gabby Huffman let me deinfluence you on Russian manicures: this is my second time getting one and both times I felt a lot of discomfort, pain and even bled. #russianmani #russianmanicure #easterneuropeanmanicure
♬ original sound – Jennifer Wang | @wangjenniferr
Притоа, не верува во советите дека е важно да заштедите на ситници кои ве прават среќни. Според неа, ако се откажете од кафето „Старбакс“, нема да се збогатите. Но, ако се почестите со тоа, ќе бидете посреќни и затоа ќе бидете попродуктивни. Потребно е паметно да се инвестира, а не да се штеди на мали радости.