Нивната единствена цел е да обезбедат безбедност на децата во онлајн светот преку алатки што можат да препознаат потенцијално ризични интеракции или содржини.
Добивањето информации за однесувањето на вашите деца на Интернет е клучна цел на апликациите за следење на социјалните мрежи. На пример, можеби ве интересира колку време децата поминуваат на социјалните мрежи додека сте на работа. Ова лесно можете да го постигнете со преземање на апликација за следење на телефонот на вашето дете. Така можете да следите како вашето дете користи одредени платформи. Важно е да преземете одговорност и да ја обликувате иднината на вашето дете, а не да ја одложувате таа обврска. Ова е нашиот избор на апликации за контрола на децата на Интернет.
Google Family Link
Оваа апликација овозможува преглед на активностите и содржините до кои пристапува детето и увид во содржините и апликациите што тоа ги инсталира преку систем за одобрување од родителскиот уред, како и дефинирање на времето што тоа го поминува на мобилниот уред.
Оваа услуга нуди можност да се заклучи телефонот и да се оневозможи пристап до Интернет и забавни содржини кога е време за спиење, училиште или учење.
Доколку детето го носи со себе мобилниот уред, можно е да се следи неговата локација и местата што ги посетува.
Единствениот недостаток на Family Link е неможноста за блокирање на несоодветна содржина, но преку поставките е можно да се постават филтри. Предноста на Family Link е што детето не може да преземе апликација на телефонот без ваша дозвола.
Qustodio
Ова е софтвер за родителска контрола што нуди широк спектар на функции, а пред сè им овозможува на родителите да ги следат профилите на децата на социјалните мрежи, да ја читаат нивната комуникација, да ја следат локацијата и да блокираат навредливи сајтови.
Исто така, можно е да се постават временски ограничувања за користење на уредите, да се блокираат игри и апликации, како и да се следат уредите во реално време.
Qustodio нуди и паник-тастер за деца, кој ги поврзува со родителите во итни ситуации, а е достапен за Windows, Mac, iOS, Android и Kindle уреди.
Net Nanny
Ова е еден од најпознатите програми за родителска контрола дизајниран да им овозможи на родителите целосен увид во активностите на децата на Интернет.
Овој софтвер овозможува поставување на ограничувања за времето на користење на екранот, филтрирање на несоодветни содржини како порнографија, насилство, дроги и други штетни теми. Родителите можат да добиваат извештаи за пребарувањата што ги прават децата, како и известувања во реално време за несоодветна содржина.
Net Nanny овозможува и блокирање на одредени апликации и сајтови, како и контрола на сите уреди што ги користи детето.
Kaspersky Safe Kids
Kaspersky Safe Kids е напреден софтвер за родителска контрола достапен на Android, iOS, Mac и PC уреди, кој овозможува следење на онлајн активности на децата.
Неговите клучни функции вклучуваат забрана на апликации, следење на локацијата, управување со времето пред екранот и филтрирање на содржини во пребарувачот.
Особено се издвојува управувањето со праќањето пораки и следење на повиците и SMS пораките на Android уредите, обезбедувајќи им родителите известувања во реално време. Иако iOS уредите ги немаат сите функции, Kaspersky нуди ефикасни алатки за онлајн безбедност.
Зошто е важно да знаете што прави вашето дете на интернет?
Заштитата на детето на Интернет е клучна поради бројните опасности на кои децата се изложени во дигиталниот свет.
Иако родителите им веруваат на своите деца, важно е да имаат увид во нивните онлајн активности за да можат да преземат превентивни мерки. Децата можат несвесно да се најдат во контакт со несоодветна содржина или со лица кои имаат лоши намери.
Следењето на активностите им помага на родителите да препознаат потенцијално ризично однесување и да ги насочат децата кон одговорно користење на технологијата. Исто така, овозможува заштита од сајбер насилство, несоодветни содржини и интернет измами.
Извор: Web-mind.rs
