Новата мантра за брендовите: Биди вреден за гледање
Традиционално, големите брендови беа во предност – со огромни медиумски буџети и доминација на телевизија во прајмтајм. Но со социјалните мрежи и стриминг платформите, а и сѐ понеосетливата публика, креативноста стана главното оружје.
На TikTok и YouTube, не победува тој што има повеќе пари – туку оној што е покреативен.
Денешните најмоќни брендови не продаваат само производ – тие раскажуваат приказни, создаваат универзуми, канат луѓе да се смеат, препознаваат и вклучуваат. Тие забавуваат.
Запознај ги „8-те Забавувачи“: Брендови што изгледаат повеќе како Netflix отколку фабрика
Small World ги категоризираше најзабавните брендови во 8 архетипа:
- The Scriptwriter – Liquid Death и Duolingo не зборуваат за функциите на производот, туку градат сопствен универзум на ликови, маскоти и хумористични реплики што се памтат. Не пиеш вода и не учиш шпански – гледаш бренд ситком и навлечен си.
- The Celebrity CEO – Mr. Beast и Gary Vee се пример на брендови чии основачи се ѕвезди. Создаваат врска со публиката преку искреност, транспарентност, малку лична драма и ранливост и одеднаш немаш само купувачи туку и фанови. Публиката следи реалити шоу, не компанија.
- The Collaborative Chameleon – Неочекуваните но совршени соработки на Crocs и Pringles, Starface и Hello Kitty, The Ritz- Carlton и Late Checkout не може да не привлечат внимание. На ниво на култура тие се аномалија и нормално дека предизвикуваат виралност на социјалните мрежи.
- The Whiplasher – Брендови кои нѐ сопираат во скролање затоа што нешто не штима. На пример Engine Gin е џин во пакување за моторно масло. Забавно е да видиш како пакувањето е главен лик и ти ги изместува очекувањата.
- The Purpose Punk – Брендови со мисија, но со карактер и хумор. Ocean Bottle не ти држи предавање – те засмејува, а потоа те активира да си ги признаеш гревовите.
- The People’s Play-Doh – Пластелин брендови се моделирани од нивната заедница. Кај Fortnite, Polkadot…фановите не само што купуваат, туку создаваат, брендот се прилагодува на движењето, потребите, очекувањата на корисниците.
- The Newsjacker – Ова се брендовите мајстори да се налепат на дневните вести, актуелните случувања или популарните memes за да бидат во центарот на вниманието. Сетете се одличната Brad is single кампања на Norvegian Airlines, погледнете ја Тhursday Dating App со нивните пресмешни memes, јасно е зошто се успешни и актуелни.
- The Hype Machine – Брендвоите како PRIME или Last Crumb создаваат лудило преку ограничени изданија креирајќи фан база што се граничи со култ.
Зошто забавата функционира?
Според Entertainment Index, брендовите што забавуваат имаат поголем share of search, социјална ангажираност и PR влијание. Duolingo е лидер, не само по пазарен удел, туку и по TikTok перформанс благодарение на својата маскота Duo.
TikTok и YouTube се демократски медиуми – каде креативноста има поголема шанса да биде наградена од буџетот.
Извор: Small World
Како да станеш бренд забавувач веднаш?
Да не се лажеме, нема да биде веднаш. Ништо не се случува преку ноќ, ти треба план и содржина.
- Напиши сценарио: Замисли го твојот бренд како ситком. Кои се ликовите? Кој е „сетингот“?
- Покажи лице: Вклучи ги основачите. Публиката сака автентичност.
- Направи неочекувана соработка: Кој би бил најчудниот, но совршен партнер?
- Нека изгледот зборува: Пакувањето и брендингот се медиум за пренесување пораки.
- Хуморот победува: ОК имаш мисијата но тоа не значи дека таа треба да биде здодевна.
- Вклучи ја заедницата: Со Slack, Discord, UGC или макар коментари – дозволи им на фановите да влијаат.
- Биди брз, не совршен: Подобро TikTok денес отколку совршена реклама утре.
Забавувај или исчезни!
Денес немаме само купувачи – тие се и публика, и критичари и фанови. Ако не си вреден за гледање – не си вреден за паметење.
Затоа, ако сакаш внимание – не го купувај, заслужи го. А кој е најдобриот начин да го заслужиш? Забавувај!
