Загубите, кои се поголеми за една третина во споредба со 2023 година, главно се предизвикани од нискотехнолошки измами, како што се измами со онлајн инвестиции, при што потенцијалните инвеститори изгубиле пари, или измами со лажни е-пораки упатени кон вработени во компании, кои биле натерани да префрлат големи суми пари на сметки на криминалци, пренесува Reuters.
Измамите поврзани со техничка поддршка и лажни емотивни врски, исто така, предизвикале загуби од стотици милиони долари, соопшти FBI.
Бројките се собрани од страна на Центарот за поплаки за интернет криминал при FBI, кој стана клучна точка за пријавување на дигитални измами и хакирања, врз основа на речиси 860.000 примени жалби.
Агенцијата нагласува дека е многу тешко прецизно да се пресметаат вкупните загуби од сајбер криминал.
Иако бројките на FBI се меѓу најсеопфатните досега, Бирото признава дека проценките се сè уште непотполни, особено во однос на загубите предизвикани од ransomware — особено деструктивна форма на софтвер што хакерите ја користат за да изнудат откуп од организации во замена за пристап до нивните податоци.
Извор: bizlife.rs
